The news is by your side.

Advertisement

ہتک عزت کیس : میشا شفیع کینیڈا واپس چلی گئیں

لاہور : سیشن جج کی عدالت میں علی ظفر کی جانب سے ہتک عزت کیس کی سماعت ہوئی، سماعت کے موقع پر  عدالت سے استدعا کی گئی کہ میشا شفیع پاکستان میں نہیں ہیں ایمرجنسی میں کینیڈا جانا پڑا ۔

تفصیلات کے مطابق ہتک عزت کیس میں فریق گلوکارہ میشا شفیع کینیڈا واپس چلی گئیں، ان کے وکیل نے عدالت سے ویڈیو لنک کے ذریعے جرح مکمل کرنے کی درخواست کی ہے۔

سیشن کورٹ میں اداکار علی ظفر کے ہتک عزت کے دعوی پر سماعت شروع ہوٸی تو میشا شفیع کی جانب سے درخواست داٸر کی گئی جس میں مؤقف اختیار کیا گیا کہ آج عدالت نے جرح مکمل کرنے کے لیے طلب کر رکھا تھا تاہم وہ دوبارہ کینیڈا واپس چلی گئی ہیں۔

درخواست میں کہا گیا ہے کہ میشا شفیع کی بیٹی کورونا میں مبتلا ہیں اورعدالت نے انہیں بھی گھر میں قرنطینہ ہونے کا مشورہ دیا ہے لہٰذا وہ پیش نہیں ہو سکتیں۔

درخواست میں میشا شفیع نے استدعا کی کہ باقی جرح ویڈیو لنک کے ذریعے مکمل کی جاٸے، اس سلسلے میں عدالت نے نوٹس جاری کرتے ہوٸے علی ظفر کے وکلاء سے سات فروری کو جواب طلب کرلیا۔

واضح رہے کہ گلوکار علی ظفر نے جنسی ہراسگی کے الزامات پر گلوکارہ میشا شفیع کے خلاف عدالت میں سو کروڑ ہرجانہ کا دعویٰ داٸر کر رکھا ہے۔

Comments

یہ بھی پڑھیں