site
stats
پاکستان

ملیر چھاؤنی میں پریڈ‘ جنگی سازوسامان کی نمائش

Defence day

کراچی: یوم دفاع کے 52 سال مکمل ہونے پر ملیر چھاوُنی میں اس حوالے سے خصوصی تقریب کا انعقاد کیا گیا ‘ تقریب میں خصوصی پریڈ اور جنگی ہتھیاروں کی نمائش کا بھی انتظام کیا گیا۔

تفصیلات کے مطابق چھ ستمبر کی مناسبت سے پاک فوج کی جانب سے ملیر چھاوُنی میں جنگی ساز و سامان کی نمائش کا انعقاد کیا گیا‘ تقریب میں پاک فضائیہ کے سیون ایوی ایشن کی جانب سے فلائی پاسٹ بھی پیش کیا گیا۔

تقریب کے مہمان خصوصی جنرل کمانڈنگ آفیسر ملیر گیریژن میجر جنرل زاہد محمود تھے۔ پریڈ اور نمائش دیکھنے کے لیے فوجی افسران کے علاوہ شہریوں کی بڑی تعداد نے شرکت کی۔

یومِ دفاع کے حوالے منعقد کردہ اس خصوصی تقریب میں سابق کرکٹر یونس خان بھی پریڈ اور نمائش میں خصوصی طور پر موجود تھے۔

پریڈ میں الخالد، الزرار ٹینک سمیت مختلف جنگی سامان اور کیو آر ایف فورس نے بھی حصہ لیا۔ آرمی پبلک اسکول کالج کے بچوں کی جانب سے مختلف ثقافتی و دیگر فلوٹس کے بھی مظاہرے کئے گئے۔

یومِ دفاع کی تاریخ ساز فتح کو 52 برس بیت گئے*

تقریب میں اے پی ایس کے بچوں کی جانب سے تمام صوبوں کے فلوٹس پیش کئے گئے‘فلوٹس میں مختلف ثقافتی و دیگر نغمے بھی پیش کئے گئے۔تقریب میں پاک چائنا کا بھی فلوٹ پیش کیا گیا تھا۔

پریڈ میں پاک فوج کے مشاق تیاروں اور ایلوٹ ہیلی کاپٹرز نے خوبصورت کرتب کا مظاہرہ بھی دکھایا۔نمائش میں الزار الخالد ٹینکس، اینٹی ایئرکرافٹ گنز، پاک فوج اور پاک فضائیے کے ایئرڈنفس سسٹم بھی رکھا گیا تھا

پاک فوج کا ریڈار سسٹم، آرٹلری اور دیگر جنگی آلات اور سامان بھی نمائش میں رکھا گیا تھا۔عوام کی بڑی تعداد نے نمائش میں رکھے گئے ساز و سامان و دیکھ کر جوش و جذبے کا اظہار کیا اور پاک فوج کی کاوشوں کا سراہا۔

یاد رہے کہ چھ ستمبر1965 کو بھارت نے بغیر کسی پیشگی اطلاع کے جنگ کا آغاز کردیا تھا ۔ یہ جنگ بری ‘ بحری اور فضائی محاذوں پر لڑی گئی تھی جس میں پاک فوج نے اپنے سے کئی گنا زیادہ طاقتور دشمن کو اپنے زخم چاٹنے پر مجبور کردیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top