The news is by your side.

Advertisement

یومِ دفاع، مزارِ قائد اور مزارِاقبال پر گارڈزکی تبدیلی کی پُروقار تقریب

کراچی: ملک بھر میں یومِ دفاع ملی جوش و خروش سے منایا جا رہا ہے، بانی پاکستان قائداعظم محمد علی جناح کے مزار اورشاعر مشرق علامہ محمد اقبال کے مزار پر گارڈز کی تبدیلی کی پرُوقار تقاریب ہوئیں۔

تفصیلات کے مطابق کراچی میں یومِ دفاع کے موقع پر مزارِقائد پر گارڈز کی تبدیلی کی پْروقار تقریب منعقد ہوئی، مزارقائد پر پاک فضائیہ کاچاق وچوبنددستہ نے سلامی پیش کی ۔ شائینوں نے گارڈزکےفرائض سنبھال لئے۔

تقریب کے مہمان خصوصی ایئروائس مارشل عمران خالد تھے،گارڈز کی تبدیلی کی تقریب کے موقع پر مہمان خصوصی ایئروائس مارشل عمران خالد نے مزار قائد پر پھول چڑھائے اور فاتحہ خوانی کی۔

میڈیا سے گفتگو کرتے ہوئے ائیروائس مارشل عمران خالد نے نے کہا دشمن نے ارض پاک کو میلی آنکھ سے دیکھا تو اس کو تباہ برباد کردیں گے۔

دوسری جانب لاہور میں مزار اقبال پر اعزازی گارڈ کی تعیناتی کی پر وقارتقریب ہوئی، گیریژن کمانڈر میجر جنرل محمد عامر نے مزار اقبال پر چادر چڑھائی اور فاتحہ خوانی کی جبکہ مہمانوں کی کتاب میں تاثرات بھی قلمبند کیے۔

پاک رینجرز کے چاق و چوبند دستے نے مزاراقبال پر سلامی دی اور ذمہ داری سنبھال لی۔

دن کا آغاز ملک بھر کی مساجد میں ملکی سلامتی کی دعاؤں کے ساتھ ہوا، انیس سو پینسٹھ کی جنگ میں شہید ہونے والوں کی یادگاروں پر پھول چڑھانے کے علاوہ قرآن خوانی اور فاتحہ خوانی کی گئی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں