اسلام آباد: یوم دفاع کےموقع پر جڑواں شہروں میں سیکیورٹی ہائی الرٹ کردی گئی ہے۔
تفصیلات کے مطابق یومِ دفاع سے قبل سیکیورٹی خدشات کے پیشِ نظر جڑواں شہروں میں سیکیورٹی ہائی الرٹ کردی گئی ہے، اسلام آباد میں رینجرز ،انٹیلی جنس اورپولیس نے گرینڈ آپریشن کیا، جس میں سو سے زائد افراد کو گرفتار کیا گیا جبکہ اسلحہ بھی برآمد کیا گیا ہے۔
انٹیلی جنس زرائع کے مطابق یومِ دفاع کے موقع پرجڑواں شہروں کے مدارس کی سخت نگرانی کی جائے گی، حساس قرار دیئے گئے دس سے زائد مدارس کو تین دن تک بند کرنیکا فیصلہ کیا گیا۔
دوسری جانب اسکول کے بچوں کو چھٹیاں دیکر تین دن کیلئے گھر بھیج دیا جائیگا۔
