یومِ دفاع: واہگہ بارڈر جوانوں کے بوٹوں کی دھمک سے گونج اٹھا -
The news is by your side.

Advertisement

یومِ دفاع: واہگہ بارڈر جوانوں کے بوٹوں کی دھمک سے گونج اٹھا

واہگہ: ملک بھر میں آج یومِ دفاع پاکستان اور یومِ شہدا بھرپور قومی جوش و جذبے سے منایا گیا، اس دن کی مناسبت سے واہگہ سرحد پر پرچم اتارنے کی یاد گار تقریب بھی منعقد کی گئی۔

تفصیلات کے مطابق یومِ دفاع کے موقع پر واہگہ بارڈر پر پرچم اتارنے کی روایتی تقریب منعقد ہوئی، جس میں پُر جوش پاکستانیوں کی بہت بڑی تعداد نے شرکت کی۔

یاد گار تقریب کے دوران واہگہ بارڈر پر پاک فوج کے جوانوں نے حیران کن مہارت کے شان دار مظاہرے کیے، اور بوٹوں کی دھمک نے دشمن پر دھاک بٹھا دی۔

تقریب کے دوران پاکستانی شہریوں نے جیوے جیوے پاکستان کے فلک شگاف نعرے لگائے اور ماحول تکبیر کے نعروں سے گونج اٹھا۔

یومِ دفاع منانے والے پر جوش شہریوں نے شہداے وطن کو شان دار خراجِ عقیدت پیش کیا، انھوں نے پاک فوج کے جوانوں کی کارکردگی کو قابلِ فخر قرار دیا۔


یہ بھی پڑھیں: پاکستان کے لیے جان دینے والا ہر فرد قابلِ احترام ہے، میجر جنرل آصف غفور


خیال رہے کہ آج ڈی جی آئی ایس پی آر میجر جنرل آصف غفور نے کہا ہے کہ شہید شہید ہوتے ہیں، پاکستان کے لیے جان دینے والا ہر فرد قابلِ احترام ہے۔

ان کا کہنا تھا کہ شہدا کے اہلِ خانہ نے آج محسوس کیا ہوگا کہ ہم ان کے احسان مند ہیں، ملک کی بات آئے تو ہم سب ایک ہیں، مسلح افواج کی پہلی ترجیح امن قائم کرنا ہے۔

Comments

comments

یہ بھی پڑھیں