وزارت دفاع کی نیب ٹیم کو لاہور ایئرپورٹ ایپرن تک جانے کی اجازت Lahore airport apron
The news is by your side.

Advertisement

وزارت دفاع کی نیب ٹیم کو لاہور ایئرپورٹ ایپرن تک جانے کی اجازت

لاہور: ایوی ایشن ذرائع کے مطابق وزارت دفاع کی نیب ٹیم کو لاہور ایئرپورٹ ایپرن تک جانے کی اجازت مل گئی، طیارہ اترتے ہی نیب ٹیم نواز شریف اور مریم نواز گرفتار کرے گی۔

تفصیلات کے مطابق سابق وزیر اعظم نواز شریف اور ان کی صاحبزادی مریم نواز کو طیارہ اترتے ہی نیب ٹیم گرفتار کرے گی، ایوی ایشن ذرائع کے مطابق وزارت دفاع کی نیب ٹیم کو لاہور ایئرپورٹ رن وے تک جانے کی اجازت مل گئی ہے۔

نواز شریف اور مریم نواز کے پاسپورٹ لے کر نیب ٹیم امیگریشن کرائے گی، دونوں کو گرفتار کرکے ہیلی کاپٹر سے لے جایا جائے گا، نیب ٹیم طیارے کی آمد سے ایک گھنٹہ پہلے لاہور ایئرپورٹ پر موجود ہوگی۔

واضح رہے کہ احتساب عدالت نے میاں نواز شریف دس سال، مریم نواز کو آٹھ سال اور کیپٹن ریٹائرڈ صفدر کو ایک سال کی سزا اور بھاری جرمانے عائد کئے ہیں۔

یاد رہے کہ ایون فیلڈ ریفرنس میں سزا پانے والے میاں نواز شریف اور مریم نواز (کل) جمعے کو پاکستان لوٹ رہے ہیں۔

مزید پڑھیں: جیل کو سامنے دیکھتے ہوئے بیٹی کے ساتھ وطن واپس جارہا ہوں، نواز شریف

نواز شریف کا کہنا تھا کہ جیل کی کوٹھری سامنے دیکھتے ہوئے پاکستان واپس جارہا ہوں، لندن میں ورکرز کنونشن سے خطاب کرتے ہوئے نواز شریف نے پاک فوج اور عدلیہ کے فیصلوں پر بھی کڑی تنقید کی تھی۔

دوسری جانب مسلم لیگ ن کے سینئر رہنما خواجہ سعد رفیق کا کہنا تھا کہ کارکنان نواز شریف کے استقبال کے لیے ایئرپورٹ جائیں گے، کارکنان استقبال کے دوران پر امن ہوں گے، ہم کسی قسم کی بدنظمی نہیں چاہتے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں