نئی دہلی: بھارتی وزارت دفاع کی ویب سائٹ نامعلوم ہیکرز کے ہیک کرلی، ویب سائٹ کی بحالی کے لیے کوششیں جاری ہیں۔
بھارتی میڈیا کے مطابق بھارتی وزارت دفاع کی ویب سائٹ ہیک کرلی گئی ہے جس پر چینی الفاظ میں کچھ تحریر کردیا گیا ہے، جس کا لفظ ممکنہ طور پر ’ہوم‘ بتایا جارہا ہے۔
بھارتی وزیر دفاع نرملا سیتارمن نے سماجی رابطے کی ویب سائٹ ٹویٹر پر ویب سائٹ ہیک ہونے کی تصدیق کردی ہے، ان کا کہنا ہے کہ معاملے کو حل کرنے کے لیے ضروری کارروائی کی جارہی ہے اور اس بات کو بھی یقینی بنایا جائے گا کہ آئندہ یہ عمل دوبارہ نہ ہوسکے۔
Issue with the MoD website ( https://t.co/JJawys4yoB ) has been taken note of. Appropriate action has been initiated. @nsitharaman
— Raksha Mantri (@DefenceMinIndia) April 6, 2018
بھارتی میڈیا کا کہنا ہے ویب سائٹ کو چینی ہیکرز کی جانب سے ہی ہیک کیا گیا ہے، بھارتی ویب سائٹ کھولی جائے تو اس پر ایرر کے ساتھ صارف کو کچھ دیر بعد دوبارہ کوشش کرنے کو کہا گیا ہے۔
بھارتی وزارت دفاع کے ترجمان کے مطابق نیشنل انفارمیٹک سینٹر جو ویب سائٹ کی دیکھ بھال اور اس کے اپ ڈیشن کے امور انجام دیتا ہے، وہ ویب سائٹ کی ریکوری کے لیے سرگرم عمل ہے اور کوشش کی جارہی ہے کہ ویب سائت جلد از جلد بحال کی جاسکے۔
