The news is by your side.

Advertisement

مختلف ملکوں کےدفاعی اتاشیوں کا ایل او سی پرکلسڑبموں سےجانی و مالی نقصانات کا جائزہ

اسلام آباد : چین، برطانیہ، فرانس، روس جرمنی سمیت مختلف ممالک کے دفاعی اتاشیوں نے لائن آف کنٹرول پر کلسٹر بموں سے ہونے والی جانی و مالی نقصانات کا جائزہ لیا۔

تفصیلات کے مطابق چین، فرانس، برطانیہ، روس اورجرمنی کےدفاعی اتاشیوں نے بھارت کی جانب سے لائن آف کنٹرول پر کلسٹر بموں سےجانی و مالی نقصانات کا جائزہ لیا۔

لیپا ویلی، ڈھڈیال ، نو سیری، اٹھ مقام، شاہ کوٹ میں سیکڑوں کلسٹربم پڑے ہیں بھارتی شیلنگ سے اٹھ مقام کا ڈسٹرکٹ ہیڈکوارٹرز اسپتال تباہ ہوگیا، کلسٹربموں سے انسانی جانوں اور مویشیوں کو خطرہ ہے، دفاعی اتاشیوں نے متاثرہ مقامات کا دورہ بھی کیا۔

بھارت نےلوئر نیلم ویلی کو نشانہ بنایا تھا، جس سےدرجنوں افرادزخمی ہوئے جبکہ بھارت اپنی طرف سے اقوام متحدہ کےفوجی مبصرین کو ایل اوسی نہیں جانے دیتا۔

خیال رہے بھارت اب تک ایک ہزار آٹھ سو بیاسی بارجنگ بندی معاہدے کی خلاف ورزی کرچکا ہے، دوہزارپندرہ سے جنگ بندی معاہدے کی خلاف ورزیاں آٹھ ہزار آٹھ سو تھہتر رہیں اور ان خلا ف ورزیوں سے چھہترافراد شہید اور تین سو اڑتالیس زخمی ہوئے۔

مزیدپڑھیں:  بھارت کا ایل اوسی پر شہریوں کونشانہ بنانے کیلئے کلسٹر ٹوائے بم کا استعمال

یاد رہے آئی ایس پی آر کا کہنا تھا کہ بھارت ایل اوسی پر شہریوں کونشانہ بنانےکےلئےکلسٹرٹوائےبم کا استعمال کررہا ہے ، کلسٹرٹوائے بم سے 4سال کے بچے سمیت 2شہری شہید اور 11 زخمی ہوئے۔

بعد ازاں بھارتی فوج کی جانب سے وادیٔ نیلم کی سول آبادی پر کلسٹر بم برسائے گئے تھے، فائر کیے گئے مزید کلسٹر بم نوسیری سے مل گئے، بھارتی فوج نے ایل او سی پر گولہ باری کے دوران آبادی پر کلسٹر بم پھینکے، بھارتی فوج نے ممنوعہ کلسٹر بموں سے شہریوں کو نشانہ بنایا، ایک بچہ کھلونا سمجھ کر کلسٹر بم گھر لے گیا تھا۔

Comments

comments

یہ بھی پڑھیں