کراچی کے علاقے ڈیفنس فیز فائیو میں نامعلوم افراد کی فائرنگ سے شاہین فورس کا اہلکار عبدالرحمان شہید ہوگیا۔
شہید عبدالرحمان اہلکار کی لاش کو ضابطے کی کارروائی کے لیے جناح اسپتال متنقل کردیا گیا ہے۔ پولیس حکام کا کہنا ہے کہ عبدالرحمان موٹر سائیکل پر مشکوک گاڑی کا پیچھا کررہا تھا۔
شہید عبدالرحمان کے اہلخانہ کی جانب سے بیان سامنے آیا ہے جس میں شہید کے بھائی نے بتایا کہ عبدالرحمان کی ایک ماہ بعد شادی تھی۔
کراچی میں نامعلوم افراد کی فائرنگ سے پولیس اہلکار شہید
شہید عبدالرحمان کے بھائی نے بتایا کہ میرے والد شادی کی دعوت دینے کے سلسلے میں اپنے آبائی علاقے بونیر گئے ہوئے ہیں شام کو واپس پہنچیں گے۔
اہلخانہ کی جانب سے بتایا گیا ہے کہ شہید عبدالرحمان کی نماز جنازہ عصر میں پولیس ہیڈ کوارٹر اور مغرب میں گھر پر ادا کی جائے گی۔
شہید عبدالرحمان کے بھائی کا مزید کہنا تھا کہ پولیس نے ملزم شناخت کرلیا ہے، ملزم کو پولیس جلد از جلد گرفتار کر کے انصاف فراہم کرے۔
