site
stats
پاکستان

روس سے بہتر تعلقات نئی پالیسی کا حصہ ہے، بھارت خطے میں عدم استحکام پیدا کر رہا ہے، وزیر دفاع

defense minister

اسلام آباد: وزیر دفاع خرم دستگیر نے کہا ہے کہ بھارت خطے میں عدم استحکام پیدا کر رہا ہے، اگر کوئی مہم جوئی کی گئی تو برابر جواب دیا جائے گا جبکہ روس سے بہتر تعلقات نئی پالیسی کا حصہ ہے۔

ان خیالات کا اظہار انہوں نے سینیٹ میں پاکستان کی نئی سیکیورٹی پالیسی پر بیان دیتے ہوئے کیا، خرم دستگیر کا کہنا تھا کہ پاکستان نے روس سے بہتر تعلقات کو اپنی نئی پالیسی میں شامل کیا ہے، پاکستان نے روس کے ساتھ مشترکہ فوجی مشقیں بھی کیں ہیں۔

بھارت کی ہرمہم جوئی کا منہ توڑ جواب دیا جائے گا، وزیر دفاع

انہوں نے کہا کہ بھارت مسلسل پاکستان میں عدم استحکام کی سازش کر رہا ہے، گزشتہ سال بھارت نے 1800 بار سیز فائر کی خلاف ورزی کی، اگر کوئی مہم جوئی کی گئی تو منہ توڑ جواب دیا جائے گا، مقبوضہ کشمیر میں بھارتی مظالم کا سلسلہ جاری ہے، بھارت پاکستان کے خلاف دوسروں کو بھی استعمال کرتا ہے۔

خرم دستگیر کا کہنا تھا کا امریکا افغانستان میں ناکامی کا ملبہ پاکستان پر ڈالنا چاہتا ہے، ہم نے دہشت گردی کے خلاف کامیابیاں حاصل کیں، امریکا نے افغانستان میں طویل جنگ جاری رکھی، ناکامی کے بعد پاکستان کو قربانی کا بکرا بنایا جارہا ہے۔

کسی کو پاکستانی زمین پرافغان جنگ نہیں لڑنے دیں گے، وزیر دفاع

ان کا مزید کہنا تھا کہ ترکی، سعودی عرب، ایران سے گہرے تعلقات ہیں، چین کے ساتھ اکنامک کوری ڈور سے متعلق گوادر پر کام جاری ہے۔

خیال رہے گذشتہ روز سماجی رابطے کی ویب سائٹ ٹوئٹر پر جاری اپنے بیان میں وزیر دفاع خرم دستگیر کا کہنا تھا کہ کلبھوشن بھارتی سازش کا منہ بولتا ثبوت ہے، پاک افواج کو عوام کی بھرپور اور مکمل حمایت حاصل ہے، بھارت کی کسی بھی مہم جوئی کا جواب اس کی اپنی زبان میں دیں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top