The news is by your side.

Advertisement

آرمی چیف اور امریکی سیکریٹری دفاع کے درمیان رابطہ

اسلام آباد: آرمی چیف قمر جاوید باجوہ اور امریکی سیکریٹری دفاع کے درمیان رابطہ ہوا جس میں سیکریٹری دفاع نے دہشت گردی کے خلاف جنگ میں پاکستانی فوجی اور عوام کی قربانیوں کو سراہا۔

ڈی جی آئی ایس پی آر میجر جنرل آصف غفورکے مطابق آرمی چیف جنرل قمر جاوید باجوہ اور امریکی سیکریٹری دفاع جنرل جیمس میٹس کے درمیان رابطہ ہوا اور بیس منٹ تک مختلف امور پر بات چیت ہوئی۔

امریکی سیکریٹری دفاع نے نئے ذمہ داریاں سنبھالنے پر آرمی چیف کو مبارک باد پیش کی اور کہا کہ آرمی چیف کے کے جو تجربات ہیں اس کے ذریعے خطے میں دونوں ممالک کے درمیان تعاون بڑھے گا۔

سیکریٹری دفاع نے دہشت گردی کی جنگ میں پاکستانی فوج اور عوام کی قربانیوں کو سراہا اور امید ظاہر کی کہ دہشت گردوں کے خلاف پاکستان نے جو کامیابیاں حاصل کی ہیں وہ سلسلہ جاری رہے گا۔

ساتھ ہی دونوں جانب سے خطے میں تعاون جاری رکھنے پر اتفاق کیا گیا اور طے کیا گیا کہ اس تعاون میں مزید وسعت دی جائے گی۔

Print Friendly, PDF & Email

Comments

comments

یہ بھی پڑھیں