The news is by your side.

Advertisement

دہشت گردوں نے اسکولوں پرحملے کی منصوبہ بندی کرلی

لاہور : دہشت گردوں نے واہگہ بارڈر کی چیک پوسٹ پر حملے کیلئے دھمکی آمیز خط بھیج دیا جبکہ پنجاب کے تعلیمی اداروں پر حملے کی منصوبہ بندی کے حوالے سے دہشت گردوں کی فون کال ٹریس کر لی گئی۔

ذرائع کے مطابق دہشتگردوں کی جانب سے واہگہ بارڈر پر فوج، رینجرز اور پولیس کی مشترکہ چیک پوسٹ کو اڑانے کا دھمکی آمیز خط بذریعہ ڈاک خط موصول ہوا ہے.

خط کی وصولی کے بعد سکیورٹی میں اضافے کے ساتھ ساتھ گردونواح میں سرچ آپریشن شروع کر دیا گیا ہے اور قانون نافذ کرنے والے ادارے سراغ لگا رہے ہیں کہ خط کس جگہ سے پوسٹ کیا گیا ہے۔

دوسری جانب حساس اداروں نے دہشت گردوں کی ایک فون کال ٹریس کی ہے، جس کے مطابق دہشت گرد پنجاب کے تعلیمی اداروں خصوصاً اسکول بسوں اور ویگنوں کو نشانہ بنا سکتے ہیں۔

ذرائع کا کہنا ہے کہ یہ منصوبہ بندی پاک افغان سرحد کے قریب ایک ہوٹل میں کی گئی ہے۔ کال ٹریس ہونے کے بعد قانون نافذ کرنے والے اداروں نے تعلیمی اداروں کو ہدایات جاری کی ہیں کہ سکیورٹی اقدامات کو یقینی بنایا جائے۔

Comments

comments

یہ بھی پڑھیں