site
stats
سندھ

پی آئی اے کا کارنامہ : پروازوں میں تاخیرکے نئے ریکارڈ قائم

کراچی : پی آئی اے نے پروازوں کی روانگی میں تاخیر کے نئے ریکارڈ قائم کردیئے، پی آئی اے کا عمرہ آپریشن شدید بدنظمی کا شکار ہوگیا۔

تفصیلات کے مطابق باکمال لوگوں کی لاجواب سروس کا نیا انداز سامنے آیا ہے، جدہ سے کراچی آنیوالی پی آئی اے کی پرواز پی کے 762 اٹھارہ گھنٹے سے زائد تاخیر کاشکار ہوگئی۔

اس کے علاوہ جدہ سے کراچی آنے والی پی آئی اے کی پروازپی کے 732 چوبیس گھنٹے سے زائد تاخیر کا شکار رہی، جبکہ جدہ سے لاہور آنے والی پرواز پی کے 760 بھی چھ گھنٹے سے زائد تاخیر کا شکار ہوگئی۔

پروازوں کی روانگی میں تاخیر پر جدہ کے حج ٹرمینل پر عمرہ زائرین نے شدید احتجاج کیا، اس موقع پر پی آئی اے کے عملے کی جانب سے مسافروں اور عمرہ زائرین کو کوئی بھی سہولت فراہم نہیں کی گئی تھی، جس پرعملے اور مسافروں کے درمیان تلخ کلامی بھی ہوئی۔

پروازوں کی روانگی میں تاخیرپر جدہ ایئرپورٹ انتظامیہ نے سخت نوٹس لے لیا، ذرائع کے مطابق اس حوالے سے پی آئی اے انتظامیہ کو وارننگ لیٹر جاری کردیا گیا ہے۔

جدہ ایئرپورٹ اتھارٹی نے پی آئی اے کو وارننگ دیتے ہوئے کہا ہے کہ پروازیں کیوں تاخیر کا شکار ہورہی ہیں، پروازیں اگر مزید تاخیر کا شکار ہوئیں بھاری جرمانے بھی کئے جائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top