The news is by your side.

Advertisement

پاکستان اور متحدہ عرب امارات کے وفود سر جوڑ کر بیٹھ گئے

اسلام آباد: پاکستان اور متحدہ عرب امارات کے وفود کے درمیان اہم سیاسی مشاورتی اجلاس ہوا جس میں دوطرفہ تعلقات سمیت اہم امور پر تبادلہ خیال کیا گیا۔

اے آر وائی نیوز کے مطابق پاکستان اور متحدہ عرب امارات کے وفود کے درمیان پہلا سیاسی مشاورتی اجلاس دفترخارجہ میں منعقد ہوا، یو اے ای وفد کی قیادت معاون وزیر برائے سیاسی امور خلیفہ شاہین المرر نے کی۔

جبکہ پاکستان کے وفد کی نمائندگی ایڈیشنل سیکریٹری وزارت خارجہ خالد میمن نے کی۔ اجلاس میں پاک یو اے ای دوطرفہ امور پر تبادلہ خیال کیا گیا۔ دریں اثنا باہمی دلچسپی کے علاقائی وبین الاقوامی امور پر بھی گفتگو ہوئی۔

پاکستان کی یو اے ای کی کمپنیوں کو بڑی پیشکش

اجلاس میں یو اے ای کے وفد کو مقبوضہ کشمیر کی صورت حال سے بھی آگاہ کیا گیا۔

خیال رہے کہ پاکستان اور متحدہ عرب امارت کے درمیان خوش گوار تعلقات ہیں۔ حالیہ دنوں وزیرسائنس اینڈ ٹیکنالوجی فواد چوہدری نے سماجی رابطے کی ویب ٹوئٹر پر ایک خبر کا حوالہ دیتے ہوئے کہا تھا زرعی شعبے میں متحدہ عرب امارات سب سے بڑا انویسٹر ہے، پاکستان آنےکی خواہشمنددبئی کمپنیوں کو زمین اور ایکسپرٹیز آفر کر سکتے ہیں ، ہمارے پاس یو اے ای کی کمپنیوں کے لئے پرکشش بزنس ڈیلز ہیں۔

fb-share-icon0
Tweet 20

Comments

comments

یہ بھی پڑھیں