The news is by your side.

Advertisement

سعودی شوریٰ کونسل کا وفد پاکستان پہنچ گیا، صدر مملکت، وزیر اعظم سے ملاقات کرے گا

اسلام آباد: سعودی شوریٰ کونسل کا وفد پاکستان پہنچ گیا، وفد کی قیادت عبداللہ بن محمد بن ابراہیم الشیخ کر رہے ہیں۔

تفصیلات کے مطابق سعودی شوریٰ کونسل کا وفد عبداللہ بن محمد بن ابراہیم الشیخ کی قیادت میں پاکستان پہنچ گیا، راجہ ظفر الحق اور اراکین پارلیمنٹ نے نور خان ائیر بیس پر وفد کا استقبال کیا۔

سعودی شوریٰ کونسل کا وفد چیئرمین سینیٹ صادق سنجرانی کی دعوت پر پاکستان آیا ہے، شوریٰ کونسل کا دورہ 14 سال بعد ہو رہا ہے۔

دورے کا مقصد باہمی روابط، سرمایہ کاری اور تجارت کے شعبوں میں فروغ ہے، دونوں ممالک کے درمیان پارلیمانی وفود کے تبادلوں سے سماجی، سیاسی اور معاشی تعلقات کو فروغ ملے گا۔

سعودی وفد دورے کے دوران صدر مملکت عارف علوی، وزیرِ اعظم عمران خان سے ملاقاتیں کرے گا۔

یہ بھی پڑھیں:  آرمی چیف جنرل قمر جاوید باجوہ سے سعودی نائب وزیر دفاع کی ملاقات

شوریٰ کونسل کا وفد چیئرمین سینیٹ صادق سنجرانی، اسپیکر قومی اسمبلی اسد قیصر، آرمی چیف جنرل قمر جاوید باجوہ اور دیگر حکام سے بھی ملاقات کرے گا۔

یاد رہے کہ آج جی ایچ کیو میں سعودی نائب وزیرِ دفاع محمد بن عبداللہ العائش نے آرمی چیف جنرل قمر جاوید باجوہ سے ملاقات کی ہے، ملاقات میں دونوں ممالک کے درمیان باہمی دل چسپی کے امور، دفاعی اور سلامتی کے سلسلے میں تعاون پر تبادلہ خیال کیا گیا۔

Comments

comments

یہ بھی پڑھیں