راولپنڈی : ترکی کے صحافیوں کے ایک وفد نے مظفرآباد اور چکوٹھی سیکٹر کا دورہ کیا، صحافیوں نے بھارتی فورسز کی اشتعال انگیزیوں سے متاثرہونے والے شہریوں سے ملاقات بھی کی۔
پاک فوج کے شعبہ تعلقات عامہ آئی ایس پی ۤآر کے مطابق پاکستان کے دورے پر آئے ہوئے ترک صحافیوں نے ایک وفد نے ۤآزاد کشمیر کے علاقوں مظفرآباد اور چکوٹھی سیکٹر کا دورہ کیا۔
مذکورہ وفد کو بھارتی فوج کی لائن ۤآف کنٹرول (ایل او سی) پر شہری آبادی کو نشانہ بنانے سے متعلق تفصیلات اور سیزفائرکی خلاف ورزیوں سے آگاہ کیا گیا۔
آئی ایس پی ۤآر کے مطابق اس موقع پر ترک صحافیوں نے بھارتی فورسز کی اشتعال انگیزیوں سے متاثرہونے والے شہریوں سے ملاقات کی اور ان کے حالات جاننے کی کوشش کی۔
مزید پڑھیں : ڈی جی آئی ایس پی آر کی ترک صحافیوں کو مقبوضہ کشمیر کی صورت حال پر بریفنگ
بعد ازاں ترک صحافیوں کے وفد نے مظفرآباد پریس کلب کا دورہ کیا اور وہاں موجود صحافیوں سے مسئلہ کشمیر اور دیگر امور پر بات چیت کی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں