نئی دہلی : پاکستانی ہائی کیمیشن پر حریت رہنماؤں کو فنڈ دینے کا الزام دہلی ہائی کورٹ نے مسترد کر دیا، عدالت نے کشمیری تاجر کی ضمانت کی درخواست بھی منظورکرلی۔
تفصیلات کے مطابق حریت رہنماؤں اور پاکستان کے خلاف بھارتی حکومت کا پروپیگنڈا ناکام ہوگیا، بھارت کی ایک عدالت نے پاکستان کے خلاف اپنی حکومت کی ہرزہ سرائی مسترد کردی۔
دہلی ہائی کورٹ نے پاکستانی ہائی کمیشن پر حریت رہنماؤں کو فنڈ دینے کا الزام غلط قرار دے دیا، مودی سرکارکی جانب سے دائر مقدمے میں فیصلہ سناتے ہوئے دہلی ہائی کورٹ نے کہا کہ اس بات کا کوئی ثبوت نہیں کہ پاکستانی ہائی کمیشن نے حریت رہنماؤں کو رقم فراہم کی۔
عدالت کا یہ بھی کہنا تھا کہ نیشنل سیکیورٹی ایجنسی اپنے لگائے الزامات کا ثبوت فراہم کرنے میں مکمل طور پر ناکام رہی ہے، اس موقع پر حریت رہنماؤں کی فنڈنگ کے الزامات پر گرفتار ہونے والے کشمیری بزنس مین کی ضمانت بھی عدالت نے منظور کرلی گئی۔
