The news is by your side.

Advertisement

لذیذ دیگی بریانی بنانے کی آسان ترکیب

بریانی ہر خاص و عام کی پسندیدہ ہوتی ہے اور شاید ہی کوئی ہو جسے بریانی ناپسند ہو، دیگی بریانی کا ذائقہ بھی مختلف ہوتا ہے اور آج آپ کو اسی کی ترکیب بتائی جارہی ہے۔

اجزا

چاول: آدھا کلو

گوشت: آدھا کلو

دہی: 1 پاؤ

لال مرچ کٹی ہوئی: 2 چائے کے چمچ

ہلدی: آدھا چائے کا چمچ

لال مرچ پسی ہوئی: 1 چائے کا چمچ

نمک: 2 چائے کے چمچ

تیل: 1 کپ

مکس گرم مصالحہ: 1 کھانے کا چمچ

ادرک لہسن کا پیسٹ: 1 کھانے کا چمہ

آلو: 3 عدد

زردے کا رنگ: آدھا چائے کا چمچ

پیاز: 1 چائے کا چمچ

ٹماٹر: 1 پاؤ

آلو بخارے: 50 گرام

ہرا دھنیا: آدھی گٹھی

پودینہ: آدھی گٹھی

چاٹ مصالحہ: 2 چائے کے چمچ

کڑی پتے: 6 عدد

ترکیب

سب سے پہلے دہی میں زردہ رنگ ملا کر ایک طرف رکھ دیں۔

ایک پین میں ایک کپ پانی، باقی دہی، کٹی لال مرچ، ہلدی، پسی لال مرچ، نمک، ایک کپ تیل، مکس گرم مصالحہ، ادرک لہسن کا پیسٹ اور بادیان کے پھول ڈال کر مکس کریں۔

پھر گوشت شامل کر کے دس منٹ پکائیں۔

اب آلو ڈال کر بھونیں، جب آلو آدھے گل جائیں تو اوپر سے زردے رنگ والا دہی پھیلائیں۔

پھر فرائی پیاز، ٹماٹر، آلو بخارے، ہرا دھنیا، پودینہ، چاٹ مصالحہ، کڑی پتے اور ادرک ڈال کر ابلے چاول ڈالیں۔

اب چاولوں پر آدھا کپ تیل ڈال کر آدھے گھنٹے کے لیے دم پر رکھ دیں اور چولہا بند کر دیں۔

مزیدار گرما گرم دیگی بریانی تیار ہے، رائتے اور سلاد کے ساتھ سرو کریں۔

Comments

یہ بھی پڑھیں