تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ڈیلٹا ویرینٹ سے متعلق ایک اور ویکسین کا بڑا دعویٰ

جانسن اینڈ جانسن نے کوویڈ 19 کی مہلک ترین قسم ’ڈیلٹا ویرنیٹ‘ کے خلاف انتہائی مؤثر ہونے ‏کا دعویٰ کر دیا۔

کمپنی کی جانب سے یہ دعویٰ لیبارٹری میں ہونے والی تحقیق کے بعد سامنے آیا ہے۔ کمپنی کا ‏کہنا ہے کہ 8 افراد پر کیے گئے اس تجربے میں یہ بات سامنے آئی ہے کہ ویکسین ڈیلیٹا ویرینٹ ‏کے خلاف انتہائی کارگر ہے۔

تحقیق کے مطابق ویکسینیٹڈ افراد کے خون میں ڈیلٹا ویرینٹ کے خلاف مدافعتی ردعمل سامنے ‏پایا گیا ہے۔

کمپنی کے گلوبل ریسرچ کے ہیڈ ڈاکٹر متھائی مامین کے مطابق یہ ویکسین نہ صرف زیادہ تعداد ‏میں اینٹی باڈیز پیدا کرتی ہے بلکہ اس عمل کو زیادہ دیر تک جاری رکھتی ہے اور وقت کے ساتھ ‏ساتھ اس کی صلاحیتوں میں اضافہ ہوتا ہے۔

ڈیلٹا ویرینٹ؛ اسپوتنک وی سے متعلق بڑا دعویٰ

کمپنی کا کہنا ہے کہ سنگل ڈوز جانسن اینڈ جانسن ویکسین 8 ماہ تک مؤثر رہتی ہے جو کہ خون ‏میں پائے جانے والے مدافعتی نظام سیل اور اینٹی باڈیز کو وبا کے خلاف لڑنے کے لیے بے حد ‏مؤثر بناتے ہیں۔

اسی طرح کی مزید 20 لوگوں پر ہونے والی دوسری تحقیق میں بھی یہی نتائج سامنے آئے ہیں۔ ‏حالانکہ کمپنی نے ان تحقیق کو باقاعدہ طور پر شائع نہیں کیا تاہم اسے آگاہی کے لیے منظرعام پر ‏لایا گیا ہے۔

واضح رہے کہ ایسا ہی دعوے دیگر ویکسین تیار کرنے والی کمپنیاں کر چکی ہیں جس میں روس ‏کی اسپوتنک وی بھی شامل ہے۔

Comments

- Advertisement -