The news is by your side.

Advertisement

ڈینگی کیسز کی تعداد بائیس ہزار سے تجاوز کرگئی، کراچی اور راولپنڈی میں دو مریض ہلاک

کراچی / راولپنڈی/ اسلام آباد : ملک میں ڈینگی کے مجموعی کیسز کی تعداد بائیس ہزار سے تجاوز کرگئی، کراچی اور راولپنڈی میں ڈینگی کے دو مریض جان کی بازی ہار گئے، سندھ میں اموات کی تعداد پندرہ ہوگئی۔

تفصیلات کے مطابق ملک بھرمیں ڈینگی کے وار جاری ہیں، مریضوں کی تعداد روز بروز بڑھتی چلی جارہی ہے۔ کراچی کے علاقے ناظم آباد میں ڈینگی سے متاثرہ شخص دم توڑ گیا۔

اب تک سندھ میں ڈینگی سے متاثرہ پندرہ افراد موت کے منہ میں چلے گئے۔ تازہ ترین اطلاعات کے مطابق ملک بھر میں ڈینگی بخار سے چارہزار چھتیس افراد متاثرہوئے ہیں۔

راولپنڈی ڈی ایچ کیو اسپتال میں ڈینگی سے متاثرہ پچیس سالہ ریاض جان سے گیا، ڈینگی کا بے رحم مچھر انتیس افراد کی جان لے چکا ہے، پانچ ہزار سات سو مریضوں میں وائرس کی تصدیق ہوئی۔

اسلام آباد میں چوبیس گھنٹے میں پانچ سو پینسٹھ افراد میں ڈینگی کی تصدیق ہوئی اب تک پانچ ہزار سے زیادہ کیس رپورٹ ہوئے۔ ملک میں ڈینگی کے مجموعی کیسز کی تعداد بائیس ہزار سے تجاوز کرگئی ہے۔

19 مزید پڑھیں: ہزار ڈینگی مریض بہترین طبی سہولیات کی فراہمی کے بعد ڈسچارج ہوگئے: ڈاکٹر ظفر مرزا

واضح رہے کہ دو روز قبل شہر قائد میں ڈینگی کا متاثرہ مریض شہزاد چل بسا تھا، پچیس سالہ شہزاد لانڈھی کا ریائشی تھا۔ پنجاب میں ڈینگی بخار کے مریضوں کی تعداد میں مزید اضافہ ہوگیا۔

محکمہ صحت کے مطابق چوبیس گھنٹے کےدوران مزید ایک سو چونسٹھ افراد ڈینگی میں مبتلا ہوئے ہیں۔ پنجاب کے تمام اسپتالوں میں ڈینگی کے شکار پانچ سو مریض زیر علاج ہیں۔

Comments

comments

یہ بھی پڑھیں