The news is by your side.

سندھ اور پنجاب میں ڈینگی کیسز میں اضافہ

کراچی/لاہور : صوبہ سندھ اور پنجاب میں ڈینگی کیسز میں اضافہ ہوتا جارہا ہے، سندھ میں یکم ستمبر سے 24ستمبر تک426کیسز رپورٹ ہوئے جبکہ پنجاب کےاسپتالوں میں ڈینگی کے88 مریض لائے گئے.

تفصیلات کے مطابق محکمہ صحت سندھ نےڈٰینگی کیسزکےاعداد وشمارجاری کردئیے، جس میں بتایا گیا کہ یکم ستمبر سے24ستمبر تک426کیسزرپورٹ کئے گئے۔

محکمہ صحت سندھ کا کہنا تھا کہ ضلع وسطی میں ڈینگی کے105،شرقی میں66کیسز، ضلع جنوبی میں ڈینگی کے43 ،کورنگی میں34کیسز ، ضلع ملیرمیں25 ،غربی میں 27کیسز رپورٹ ہوئے۔

اندورن سندھ کے حوالے سے رپورٹ میں بتایا گیا ضلع مٹیاری میں ڈٰینگی کے 84، حیدرآباد میں 14کیسز ، بدین میں ایک، تھرپارکر میں ڈینگی کے 23کیسز ، کشمور، گھوٹکی، سکھر اور خیرپور میں ایک ایک کیس رپورٹ ہوا۔

دوسری جانب پنجاب میں ڈینگی کے مریضوں کی تعداد میں مزید اضافہ ہورہا ہے، سیکریٹری صحت عمران سکندربلوچ نے بتایا پنجاب کےاسپتالوں میں ڈینگی کے88 مریض جبکہ لاہورکےاسپتالوں میں ڈینگی کے 51 مریض داخل ہوئے۔

گزشتہ24گھنٹےمیں پنجاب میں ڈینگی کے44 مریض رپورٹ ہوئے جبکہ گزشتہ روزلاہورسےڈینگی کے 12 مریض رپورٹ ہوئے۔

Comments

یہ بھی پڑھیں