پیرس: فرانس کے محکمہ صحت نے تصدیق کی ہے کہ رواں برس ڈینگی، چکن گنیا اور زیکا وائرس کے 500 سے زائد کیسز رپورٹ ہوئے۔
پبلک ہیلتھ آفس کی جانب سے جاری اعلامیے کے مطابق رواں سال مئی کے بعد سے ستمبر تک ڈینگی، چکن گنیا اور زیکا کے 529 واقعات رپورٹ ہوئے۔
محکمہ صحت کے جاری کردہ اعداد و شمار میں بتایا گیا ہے کہ 16 فیصد متاثرین کا تعلق ری یونین جزیرے سے ہے، مذکورہ علاقے کو حال ہی میں مشکلات کا سامنا رہا ہے۔ رپورٹ میں بتایا گیا ہے کہ فرانس کے پانچ علاقوں سے زیکا وائرس کے کیسز بھی سامنے آئے، جن میں سے پانچ مریضوں کا تعلق بیرونِ ملک جبکہ دو مقامی تھے۔
رپورٹ میں بتایا گیا ہے کہ رواں سال کے 9 ماہ میں چکن گنیا کے 49 درآمدی کیسز رپورٹ ہوئے جبکہ چکن گنیا سے کوئی مقامی شہری متاثر نہیں ہوا۔
یاد رہےکہ ماہرین صحت کا ماننا ہے کہ دنیا بھر میں ہونے والی موسمیاتی تغیراتی تبدیلیوں کے باعث ڈینگی، چکن گنیا اور زیکا وائرس پھیلنا شروع ہوا جس مستقبل میں خوفناک صورتحال بھی اختیار کرسکتا ہے۔
