The news is by your side.

Advertisement

پنجاب اور سندھ میں ڈینگی کا جن بے قابو ہونے لگا

لاہور/کراچی: پنجاب اور سندھ میں ڈینگی کا جن بے قابو ہونے لگا، راولپنڈی میں ڈینگی وائرس سے متاثر خاتون سمیت 2 مزید مریض دم توڑ گئے۔

تفصیلات کے مطابق ڈینگی وائرس نے ملک کے مختلف شہروں میں پنجے گاڑ دیے ہیں، راولپنڈی میں مزید دو مریض انتقال کر گئے، اسلام آباد میں 24 گھنٹے کے دوران مزید 57 کیسز رپورٹ ہوئے ہیں۔

پمز اسپتال میں ڈینگی کے 41 مریض زیر علاج ہیں، لاہور میں انسداد ڈینگی مہم شروع کر دی گئی، مختلف علاقوں میں بڑی تعداد میں ڈینگی مچھر کا لاروا برآمد ہوا۔

ڈینگی لاروا برآمد ہونے پر جنوری سے اب تک 800 مقدمات درج کیے جا چکے ہیں، اور آٹھ سو افراد کو حراست میں لیا جا چکا ہے۔

یہ بھی پڑھیں:  راولپنڈی میں ڈینگی کا راج، 1499 افراد متاثر

فیصل آباد کے الائیڈ اسپتال کے آئیسولیشن وارڈ میں 25 مریض زیر علاج ہیں، ملتان میں بھی ڈینگی وائرس سر اٹھانے لگا ہے، ڈینگی کے شبہے میں چار مریض نشتر اسپتال میں داخل کیے گئے ہیں۔

کراچی میں بھی ڈینگی کے 31 نئے کیسز رپورٹ ہونے کے بعد سندھ بھر میں ڈینگی وائرس سے متاثرہ مریضوں کی تعداد 1915 ہو گئی ہے، ڈینگی سرویلنس سیل کے مطابق یومیہ 30 سے 35 کیسز رپورٹ ہو رہے ہیں، ڈینگی کے باعث تا حال 8 افراد جاں بحق ہو چکے ہیں۔

یہ بھی پڑھیں:  ڈینگی وائرس: اسلام آباد میں دفعہ 144 کی خلاف ورزی پر 3 مقدمات درج

خیبر پختون خوا میں بھی ڈینگی کے مریضوں کی تعداد میں روز بہ روز اضافہ ہو رہا ہے، اسپتالوں میں ہزاروں مریضوں کے ٹیسٹ مکمل کیے جا چکے ہیں۔

یاد رہے کہ اسلام آباد میں ڈینگی وائرس کی وبائی صورت حال سے نمٹنے کے لیے چند دن قبل دفعہ 144 نافذ کی گئی تھی۔

Comments

comments

یہ بھی پڑھیں