ملتان میں ڈینگی کے مریضوں کی تعداد 367 ہوگئی، دوجاں بحق -
The news is by your side.

Advertisement

ملتان میں ڈینگی کے مریضوں کی تعداد 367 ہوگئی، دوجاں بحق

ملتان:اولیاء کے شہر ملتان میں مزید 4 مریضوں میں ڈینگی کی تصدیق ہوگئی ہے جس کے بعد متاثرہ مریضوں کی تعداد 367 تک پہنچ گئی۔

تفصیلات کے مطابق ملتان شہراوراس سے ملحقہ علاقوں میں ڈینگی وائرس تیزی سے پھیل رہا ہے اورمتاثرہ مریضوں کی تعداد بڑھتی ہی جارہی ہے۔

ذرائع کے مطابق ملتان کے سب سے بڑے سرکاری اسپتال نشتر میں 44 کے قریب مریض زیرعلاج ہیں۔

محکمہ صحت اور ضلعی حکومت کی جانب سے شہر کے مختلف علاقوں، اسکولوں اور سرکاری دفاتر میں خصوصی طور پر انسداد ڈینگی اسپرے کیے جارہے ہیں جبکہ شہریوں میں شعورو آگاہی کیلئے نشتر ہسپتال میں ڈینگی کاؤنٹرز بھی لگائے گئے ہیں۔

ذرائع کے مطابق ڈینگی سے متاثرہ مریضوں میں 2 ہلاکتیں بھی ہوچکی ہیں جن میں 1 خاتون اور1 لڑکا بھی شامل ہیں تاہم حکومت اس کی سرکاری سطح پرتصدیق کرنے سے گریزاں ہے۔

Comments

comments

یہ بھی پڑھیں