The news is by your side.

Advertisement

علامہ اقبال انٹرنیشنل ائیرپورٹ پر دھند کا راج ، فلائٹ آپریشن شدید متاثر

لاہور : علامہ اقبال انٹرنیشنل ائیرپورٹ پر دھند کے باعث فلائٹ آپریشن شدید متاثر ہے ، جس کے بعد بیرون اور اندرون ملک آنے جانے والی پروازیں منسوخ کردی گئی۔

تفصیلات کے مطابق لاہور میں علامہ اقبال انٹرنیشنل ائیرپور ٹ کے اطراف دھند کا راج برقرار ہے اور ایئرپورٹ کے رن وے پر حد نگاہ 100 میٹر سے بھی کم ہوگئی ، جس کے باعث فلائٹ آپریشن شدید متاثر ہے۔

ذرائع کا کہنا ہے کہ فلائٹ آپریشن متاثر ہونے کے باعث 30 پروازیں گھنٹوں تاخیر کا شکار ہے جبکہ بیرون اور اندرون ملک آنے جانے والی 7پروازیں منسوخ کردی گئی۔

منسوخ کی جانے والی پروازوں میں لاہور سے ابوظہبی جانے والی پروازای وائی 244 ، لاہورسے دبئی جانے والی پرواز پی اے 416، دبئی سے لاہورآنےوالی پروازپی اے417 ، کراچی سےلاہورآنےوالی پروازپی کے306 ، لاہور سے کراچی جانے والی پروازپی کے307 شامل ہیں۔

جدہ سے لاہور آنے والی پروازپی اے4711 کارخ اسلام آبادموڑ دیا گیا ہے جبکہ دوحہ سے لاہور آنے والی پرواز کیو آر 620 چودہ گھنٹے تاخیر کا شکار ہے۔

دوسری جانب دھند کے باعث مختلف مقامات پر موٹر وے کو ٹریفک کیلئے بند کردیا گیا ہے ، موٹر وے ایم 2 ٹھوکر نیاز بیگ سے شیخوپورہ انٹرچینج تک ، موٹروےایم 3 فیض پور انٹر چینج سےجڑانوالہ انٹرچینج تک ، موٹر وے ایم 3 لاہور سے سمندری تک اور موٹر وے ایم 3جڑانوالہ سروس ایریا سے سمندری انٹرچینج تک بند ہے۔

Comments

یہ بھی پڑھیں