The news is by your side.

Advertisement

دانتوں کی صفائی عارضہ قلب سے محفوظ رکھتی ہے، تحقیق

صحت مند دانت، صحت مند جسم اور صحت مند زندگی کے لیے بے حد ضروری ہیں کیونکہ صحت مند دانت امراض قلب سے بھی محفوظ رکھتے ہیں، ماہرین کا کہنا ہے کہ دن میں 3 مرتبہ دانتوں کی صفائی عارضہ کے خطرات کو کم کردیتی ہے۔

دل کی بیماریوں میں اضافے کی بڑی وجہ معلومات کی کمی، ذہنی دباؤ، تمباکو نوشی، شوگر، بلند فشار خون، آرام پسندی، نمک کازیادہ استعمال، غیر متحرک طرز زندگی، موٹاپا، بسیار خوری اور باقاعدگی کے ساتھ ورزش نہ کرنا ہے لیکن کیا آپ جانتے ہیں کہ دانتوں کی صفائی عارضہ قلب کے خطرات کو 10 فیصد تک کم کردیتی ہے۔

جنوبی کوریا کے دارالحکومت سیئول کی ایھوا ویمن یونیورسٹی کے حالیہ مطالعے میں ماہرین نے انکشاف کیا ہے کہ دانتوں کی صفائی کا برائے راست اثر قلب پر پڑتا ہے۔

ماہرین کے مطابق دن میں تین بار دانت صاف کرنے سے عارضہ قلب کے خطرات دس فیصد تک کم ہوجاتے ہیں۔

طبی ماہرین کا کہنا ہے کہ جب انسان دانت صاف کرتا ہے تو ’آٹریئل فبریلیشن‘ کے خطرات کم ہوجاتے ہیں جو حرکت قلب کو متاثر کرتے ہیں۔

ڈاکٹر طائی جن سونگ کا کہنا تھا کہ اس تحقیق کے دوران ہم نے ایک بڑے گروپ کا مطالعہ کیا جس سے ہمیں یہ نتائج ہوئے۔

ان کا کہنا تھا کہ دانت صاف کرنے سے دانتوں، مسوڑھوں میں موجود جراثیم منہ کے ذریعے خون میں داخل نہیں ہوپاتے۔

Comments

یہ بھی پڑھیں