دپیکااوررنویرکی شادی کی تقاریب کا آغاز -
The news is by your side.

Advertisement

دپیکااوررنویرکی شادی کی تقاریب کا آغاز

معروف بھارتی اداکار دپیکا پڈوکون اور رنویر سنگھ کے گھروں میں شادی کی تقاریب کا آغاز ہوگیا ہے ، شادی رواں ماہ کے و سط میں انجام پائے گی۔

تفصیلات کے مطابق شادی کی تقاریب کا آغاز دپیکا کے گھر سے ہوا ، جہاں شادی سے قبل انجام دی جانے والی مذہبی رسومات انجام دی گئیں ، اس کے بعد رنویر سنگھ کے گھر ان کی ہلدی کی رسم انجام دی گئی۔

دونوں ہی اداکار فلم انڈسٹری کے مانے ہوئے ستارے ہیں اور ان کے کروڑوں مداح بے چینی سے اپنی پسندیدہ شخصیات کو شادی کے بندھن میں جڑتا دیکھنے کے انتظار کررہے ہیں، شادی کی مرکزی تقریب 14 اور 15 نومبر کو انجام پائے گی۔

ہلدی کی رسم کے موقع پر رنویر سنگھ روایتی آف وائٹ کرتے میں ملبوس ہوئے ، جو کہ برصغیر میں عموماً اس موقع پر پہنا جاتا ہے ۔ اپنے گھر کی بالکونی میں سیلفیز لیتے رنویر کے انگ انگ سے خوشی جھلک رہی ہے۔

دپیکا نے مذہبی رسومات کی ادائیگی کے موقع پرنارنجی رنگ کا سوٹ زیب تن کیا تھا جو کہ ان کے لیے خصوصی طور پر سبیاساچی نامی ڈیزائنر لمپنی نے تیار کیا ہے ، جبکہ ان کی شادی کا خصوصی لباس بھی یہی تیار کررہے ہیں۔پوجا کی رسم میں دپیکا نے بالوں میں جوڑا باندھا ہوا تھا جبکہ اُن کے کانوں میں جھمکے بھی تھے۔

دپیکا پڈو نے چند روز قبل ممبئی میں واقع سُنار کی دکان پر پہلے سے منتخب کی جانے والی جیولری لی تھی ، جس میں اداکارہ کے پوجا کی رسم میں پہنے جانے والے جھمکے بھی شامل ہیں ، مجموعی طور پر جیولری کی قیمت ایک کروڑ روپے ہے جبکہ دپیکا نے رنویر سنگھ کو شادی کا تحفہ دینے کے لیے جو سونے کی چین اور لاکٹ خریدا ،اُس کا وزن 200 گرام اور قیمت 20 لاکھ روپے ہے۔

یاد رہے کہ رواں سال کے آغاز سے ہی دپیکا اور رنویر کی شادی کے حوالے سے قیاس آرائیاں جاری تھی البتہ دونوں نے اس پر خاموشی اختیار کی ہوئی تھی تاہم باجی راؤ مستانی اورپدما وتی کے اداکاروں نے 21 اکتوبر کو اپنی شادی کی تاریخ کا خود ہی اعلان کرتے ہوئے سوشل میڈیا پر دعوت نامہ شیئر کیا تھا۔

 

View this post on Instagram

 

A post shared by Deepika Padukone (@deepikapadukone) on

Comments

comments

یہ بھی پڑھیں