The news is by your side.

Advertisement

دبئی: محبوبہ سے ملاقات کے لیے غیرقانونی طور پر آنے والا شخص گرفتار

ابوظہبی : دئبی پولیس نے گرل فرینڈ سے ملاقات کے لیے غیر قانونی طور پر ملک میں داخل ہونے والے ایشیائی شخص کو گرفتار کرلیا، مذکورہ ملزم کے متعلق لڑکی کے والدین نے پولیس کو مطلع کیا تھا۔

تفصیلات کے مطابق متحدہ عرب امارات کی ریاست دبئی کی پولیس نے ایک شخص کو غیر قانونی طور پر ریاست میں داخل ہونے پر گرفتار کرلیا گیا ہے، گرفتار ہونے والے شخص کو اماراتی حکام کی جانب سے ماضی میں ملک بدر کیا گیا تھا۔

عرب خبر رساں ادارے کا کہنا تھا کہ مذکورہ شخص اپنی گرل فرینڈ سے ملاقات کرنے کے لیے غیر قانونی طور پر متحدہ عرب امارات میں داخل ہوا تھا جو دبئی میں مقیم تھی لیکن لڑکی کے اہل خانہ نے دونوں کو ملاقات سے روکنے کے لیےلڑکے کے متعلق پولیس کو اطلاع دی۔

دبئی پولیس کے ترجمان کرنل علی سلیم الشمسی کا کہنا تھا کہ ایشیائی شخص کے غیر قانونی طور پر امارات میں داخل ہونے کی کئی وجوہات ہیں لیکن گرل فرینڈ سے ملاقات سب سے اہم سبب تھا جس کی خاطر مذکورہ شخص نے پیسے ادا کیے اور اپنی جان بھی خطرے میں ڈالی۔

کرنل الشمسی کا کہنا ہے کہ مذکورہ شخص امارات میں ایک نجی کمپنی کا مالک تھا لیکن اسے منشیات کیسز میں ملوث ہونے پر ماضی میں ملک بدر کیا گیا تھا تاہم اس نے متحدہ عرب امارات میں داخل ہونے کے لیے انسانی اسمگلر کو 500 ڈالر کی رقم دی اور ریاست میں غیر قانونی طور پر داخل ہونے میں کامیاب ہوگیا۔

پولیس کا کہنا ہے کہ گرفتار ملزم اور خاتون زمانہ طالب علمی سے ساتھ ہیں لیکن ملزم کے منشیات کیسز میں ملوث ہونے باعث والدین نے دونوں کو آپس میں ملنے نہیں دیا۔

Comments

comments

یہ بھی پڑھیں