The news is by your side.

Advertisement

کراچی میں لوڈ شیڈنگ کا مسئلہ اتنا بڑا نہیں جتنا بنایا جارہا ہے: سلیم مانڈوی والا

اسلام آباد: ڈپٹی چیئرمین سینیٹ سلیم مانڈوی والا نے کہا ہے کہ کراچی میں لوڈ شیڈنگ کا مسئلہ اتنا بڑا نہیں ہے جتنا جان بوجھ کر بنا دیا گیا ہے، شہر میں  اگر بجلی کا بڑا مسئلہ ہے بھی تو اسے حل ہونا چاہیے۔

ان خیالات کا اظہار انہوں نے میڈیا سے بات چیت کرتے ہوئے کیا، سلیم مانڈوی والا کا کہنا تھا کہ سینیٹ الیکشن میں جو ہارتا ہے وہ ہارس ٹریڈنگ کا الزام لگاتا یا پھر بائیکاٹ کرتا ہے، مخالفین کا کام صرف تنقید کرنا ہے۔

انہوں نے کہا کہ ن لیگ نے اپنا سینئر ممبر چیئرمین کے لیے نامزد کیا تھا، لیکن انہیں بری طرح شکست کا سامنا کرنا پڑا، کچھ لوگ کہہ رہے ہیں کہ سینیٹ انتخابات میں ہارس ٹریڈنگ ہوئی، اگر ہارس ٹریڈنگ ہوئی تھی تو الیکشن کا بائیکاٹ کرنا چاہیے تھا۔

ن لیگ ختم ہوگئی، اپوزیشن لیڈر بھی پیپلز پارٹی کا آئے گا: سلیم مانڈوی والا

ڈپٹی چیئرمین کا مزید کہنا تھا کہ بلوچستان کےعوام محبت کرنے والے ہیں، ہمیشہ کوشش رہی ہے حب کو سب سے بڑا صنعتی شہر بناؤں، بلوچستان کےحالات بالکل خوشگوار ہیں اور یہاں کے لوگ بھی بڑا مہمان نواز ہیں۔

ثمینہ خالد کیخلاف جھوٹا مقدمہ خارج کیا جائے، سلیم مانڈوی والا

خیال رہے کہ گذشتہ دنوں میڈیا سے بات چیت کرتے ہوئے سلیم مانڈوی والا نے کہا تھا کہ اپوزیشن جماعتوں نے سینیٹ الیکشن میں تاریخی اتحاد کا مظاہرہ کیا، جو کچھ سینیٹ میں ہوا عام انتخابات میں بھی وہی ہوگا، میری جیت زرداری کی جیت ہے اور یہ جیالوں کی کامیابی ہے، سینیٹ الیکشن نے ثابت کر دیا کہ پیپلز پارٹی ختم نہیں ہوئی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں