The news is by your side.

Advertisement

ڈپٹی چیئرمین سینیٹ اسلام آباد میں کس بنگلے میں رہیں گے؟

اسلام آباد: ڈپٹی چیئرمین سینیٹ مرزا محمد آفریدی کے لیے بنگلہ الاٹمنٹ کا معاملہ حل نہیں ہو سکا ہے۔

تفصیلات کے مطابق اسلام آباد میں ڈپٹی چیئرمین سینیٹ کو منسٹرز انکلیو میں بنگلہ الاٹ نہ ہو سکا، مرزا آفریدی کو بنگلہ الاٹ کرانے کے لیے سینیٹ سیکریٹریٹ نے وزارت ہاؤسنگ کو خط لکھ دیا۔

خط میں کہا گیا ہے کہ مرزا محمد آفریدی کو منسٹرز انکلیو میں بنگلہ نمبر 22 الاٹ کیا جائے، یہ بنگلہ اس سے قبل سلیم مانڈوی والا کے زیر استعمال رہا، جب کہ پی ڈی ایم کے سربراہ مولانا فضل الرحمان بھی ماضی میں اسی بنگلے میں مقیم رہے۔

ذرائع کا کہنا ہے کہ وزارت ہاؤسنگ کے نوٹیفکیشن کے بعد مرزا محمد آفریدی کو بنگلہ الاٹ ہوگا۔

Comments

یہ بھی پڑھیں