The news is by your side.

Advertisement

شہبازشریف بڑی دیرکی کراچی آتے آتے، سلیم مانڈوی والا

کراچی : ڈپٹی چئیرمین سینیٹ سلیم مانڈوی والا نے کہا ہے کہ شہباز شریف بڑی دیر کی کراچی آتے آتے، شہباز شریف کو کراچی انتخابات کے  وقت یاد آیا ہے،  اُن کے دورے سیاسی ہیں۔

تفصیلات کے مطابق ڈپٹی چیئرمین سینیٹ سلیم مانڈوی والا نے پاکستان اسٹاک ایکسچینج اور بےنظیر بھٹو شہید یونیورسٹی کےمابین باہمی تعاون کے معاہدے کی تقریب کے بعد صحافیوں سے گفتگو کرتے ہوئے کہا کہ مسلم لیگ نون سینیٹ الیکشن ہار گئی اس لئے کہہ رہی ہے کہ سینیٹ بک گئی، یہ کہناصحیح نہیں۔

ڈپٹی چیئرمین سینیٹ کا کہنا تھا کہ الیکشن سے دو دن پہلے تک نون لیگ کلین سوئپ کادعویٰ کررہی تھی، نون لیگ نےاپنےسینئیر ترین رہنما کو بطور اُمیدوار چئیرمین سینیٹ کھڑا کیاتھا، سینیٹ انتخابات میں ووٹرز کومرضی سےووٹ کاحق ہے، چیئرمین سینیٹ کو پہلےسےجانتے تھے

سلیم مانڈوی والا نے شہباز شریف پر تنقید کرتے ہوئے کہا بڑی دیرکی کراچی آتےآتے، شہباز شریف کو کراچی انتخابات کے وقت یاد آیا ہے، اُن کے دورے سیاسی ہیں۔

ایک سوال پر ڈپٹی چیئرمین سینیٹ کا کہنا تھا کہ موجودہ حکومت کو بجٹ پیش نہیں کرنا چاہیئے تھا، نون لیگ کا بجٹ اگلی حکومت پر بوجھ ہوگا، حکومت کو چار ماہ کا بجٹ پیش کرنے کی تجویز دی تھی۔

سی پیک کے حوالےسے ڈپٹی چئیرمین سینیٹ سلیم مانڈوی والا نے کہا کہ سی پیک کے اصل روٹ اور منصوبے پر عمل نہیں ہوا، سارے پاور پلانٹس پنجاب میں لگ رہے ہیں، موٹر ویز بھی پنجاب میں بن رہی ہیں جبکہ سی پیک کے اصل منصوبے میں پسماندہ صوبوں کوفائدہ پہنچنا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں