The news is by your side.

Advertisement

کرونا لاک ڈاؤن کے دوران راشن فنڈز میں‌ خرد برد پر ڈپٹی کمشنر کا تبادلہ

کراچی: سندھ حکومت نے غیر قانونی کاموں میں ملوث ہونے پر کراچی کے ضلع ویسٹ میں تعینات ڈپٹی کمشنر کا تبادلہ کردیا۔

نمائندہ اے آر وائی نیوز کے مطابق ڈپٹی کمشنر ویسٹ فیاض عالم سولنگی کو کرپشن ، زمینوں کی الاٹمنٹ اور کرونا متاثرین کے راشن فنڈز میں خرد برد پر ہٹایا گیا۔

ذرائع کا کہنا ہے کہ ڈپٹی کمشنر فیاض سولنگی نے کرونا لاک ڈاؤن کے دوران سیکڑوں شہریوں کے ناموں کی جعلی فہرستیں بنا کر راشن کے فنڈز میں خرد برد کی تھی۔

سندھ حکومت کی جانب سے جاری ہونے والے نوٹی فکیشن کے مطابق فیاض سولنگی کے تبادلے کے بعد محکمہ فنانس کے افسر سلیم اوڈھو کو ڈپٹی کمشنر ویسٹ تعینات کردیا گیا۔

نوٹی فکیشن کے مطابق سابق ڈپٹی کمشنر فیاض عالم سولنگی کے خلاف کرپشن کی تحقیقات کا آغاز بھی کردیا گیا۔ ذرائع کے مطابق کمشنر کراچی اور سیکٹری بلدیات نے بھی فیاض عالم کے خلاف رپورٹ تیار کیں اور پھر انہیں وزیر اعلیٰ سندھ کو ارسال کیا تھا۔

ڈی جی ایم ڈی اے سہیل خان نے بھی ڈپٹی کمشنر ویسٹ کی شکایت کی تھی کہ وہ اسکیم 45 میں غیر قانونی طور سے سرکاری زمین غیر قانونی طور پر الاٹ کرنے میں ملوث ہیں۔

fb-share-icon0
Tweet 20

Comments

comments

یہ بھی پڑھیں