site
stats
پاکستان

کروڑوں کی کرپشن : پی آئی اے کے ڈپٹی جی ایم کی ایف آئی اے میں طلبی

pia corruption

کراچی : پی آئی اے میں بدعنوانیوں کے حوالے سے اے آروائی نیوز پر نشر کی جانے والی کی خبر کا ایف آئی اے نے نوٹس لے لیا، کرپشن میں ملوث ڈپٹی جنرل منیجر کو دستاویزات سمیت طلب کرلیا۔

تفصیلات کے مطابق اے آر وائی نیوز نے گزشتہ روز قومی ادارے پی آئی اے میں کروڑوں روپے کی کرپشن سے متعلق خبرنشر کی تھی، خبر کے مطابق ادارے میں کروڑوں روپے کی کرپشن کی گئی تھی جس میں ڈپٹی جنرل منیجر نارتھ کے ملوث پونے کا انکشاف کیا گیا تھا۔

ایف آئی اے نے خبر کا سختی سے نوٹس لیا، ایف آئی اے نے فوری ایکشن لیتے ہوئے پی آئی اے میں کروڑوں روپے کی کرپشن میں ملوث ڈپٹی جنرل منیجرنارتھ حسن قریشی کو تمام دستاویزات سمیت طلب کرلیا ہے۔

اس حوالے سے ذرائع کا کہنا ہے کہ ایف آئی اے حکام نے حکم نامہ طلبی حسب دفعہ160ضابطہ فوجداری کے تحت حسن قریشی کو طلب کیا ہے۔

سال دو ہزار تیرہ میں آڈیٹر جنرل نے پی آئی اے کے شعبہ کیٹرنگ لاہور میں 303.29 ملین روپے کی بے ضابطگیوں کی رپورٹ شائع کی تھی۔

ذرائع کا مزید کہنا ہے کہ سات صفحات پر اس رپورٹ میں منیجر پی اینڈ ایل منیجر حسن قریشی کو بدعنوانی کا ذمہ دار قرار دیا گیا تھا، مذکورہ جعل سازی اور بدعنوانی سے متعلق وزیر اعظم سیکریٹریٹ نے بھی رپورٹ طلب کی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top