اسلام آباد : ڈپٹی ڈائریکٹر سی ڈی اے منظرعام پر آگئے، اغواء کی تردید کردی -
The news is by your side.

Advertisement

اسلام آباد : ڈپٹی ڈائریکٹر سی ڈی اے منظرعام پر آگئے، اغواء کی تردید کردی

اسلام آباد : سی ڈی اے اسلام آباد کے ڈپٹی ڈائریکٹر ایاز محسود منظرعام پر آگئے، اپنے ویڈیو بیان میں انہوں نے کہا ہےکہ موبائل فون گم ہوگیا تھا اس لیے اہل خانہ سے رابطہ نہیں کرسکا۔

تفصیلات کے مطابق سی ڈی اے اسلام آباد کے ڈپٹی ڈائریکٹر ایاز محسود کے معاملے کا ڈراپ سین ہوگیا، وہ  اپنے ایک عزیز کے گھر ڈیرہ اسماعیل خان میں موجود ہیں۔

ایاز محسود اپنے اہل خانہ کو بتائے بغیر اسلام آباد سے روانہ ہوئے تھے، اس حوالے سے انہوں نے اپنا ایک ویڈیو بیان جاری کیا ہے جس میں کہا گیا ہے کہ ڈی آئی خان میں خیریت سے ہوں۔

میری وجہ سے قومی اداروں کو بدنام نہ کیا جائے، اپنے رشتےداروں سے ملنے ڈی آئی خان آیا ہوں، موبائل فون گم ہونے کی وجہ سے رابطہ نہیں ہوسکا انہوں نے کہا کہ میں پولیس اور قومی اداروں کا مشکور ہوں کہ انہوں نے میرے لاپتہ ہونے کے معاملے پر فوری ایکشن لیا۔

مزید پڑھیں : سی ڈی اے کے ڈپٹی ڈائریکٹر ایاز خان مبینہ طور پر لاپتہ

واضح رہے کہ گزشتہ روز ڈپٹی ڈائریکٹر ایاز خان مبینہ طور پر لاپتہ ہوگئے تھے، جس کے بعد ایاز خان کے اہل خانہ نے تھانہ آبپارہ میں درخواست دی تھی۔

تھانہ آبپارہ پولیس نے مغوی کے بہنوئی کی درخواست پر مقدمہ بھی درج کرکے تفتیش شروع کردی تھی۔ خیال رہے کہ منظر عام پر آنے والے ڈپٹی ڈائریکٹر ایاز خان محسود پورڈیم پر تعینات تھے۔

Comments

comments

یہ بھی پڑھیں