The news is by your side.

Advertisement

ازبک نائب وزیر اعظم کل 2 روزہ دورے پر اسلام آباد پہنچیں گے

اسلام آباد: ترجمان دفتر خارجہ نے کہا ہے کہ ازبک نائب وزیر اعظم الیور گنیف کل پاکستان کے 2 روزہ دورے پر اسلام آباد پہنچیں گے۔

تفصیلات کے مطابق ازبک نائب وزیر اعظم کل 2 روزہ دورے پر اسلام آباد پہنچ رہے ہیں، دفتر خارجہ کے ترجمان کا کہنا ہے کہ ازبک نائب وزیر اعظم وفاقی وزرا اور مشیروں سے ملاقات کریں گے۔

ترجمان دفتر خارجہ کے مطابق اعلیٰ سطح وفد بھی ازبک نائب وزیر اعظم کے ہم راہ ہوگا، دونوں ممالک کے درمیان دو طرفہ تعاون کے امور پر تبادلہ خیال کیا جائے گا۔

ازبک نائب وزیر اعظم کے ہم راہ آنے والا وفد سرمایہ کاری، بیرون ملک تجارت اور ٹرانسپورٹ کے ڈپٹی وزرا اور دیگر سینئر اہل کاروں پر مشتمل ہوگا۔

یہ بھی پڑھیں:  چین کے نائب صدر وانگ کشان تین روزہ دورے پر اسلام آباد پہنچ گئے، شاہ محمود نے استقبال کیا

ازبکستان کے ڈپٹی وزیر اعظم الیور گینف وزیر خارجہ شاہ محمود قریشی کے ساتھ ملاقات کریں گے، اور محکمہ ریلویز، منصوبہ بندی، ترقی و اصلاحات، نیشنل فوڈ سیکورٹی اینڈ ریسرچ، صحت اور تجارت کے وفاقی وزرا اور مشیروں سے ملیں گے۔

ڈپٹی پرائم منسٹر کے دورے سے پاکستان اور ازبکستان کے مابین کثیر الجہتی تعاون کو مختلف شعبہ جات میں مزید فروغ ملے گا۔

دورے سے ازبکستان کے ساتھ پاکستان کے دو طرفہ تعلقات مزید مستحکم ہوں گے، اور دونوں ممالک کے درمیان گہری اقتصادی پارٹنر شپ کا راستہ مزید ہم وار ہوگا۔

Comments

comments

یہ بھی پڑھیں