عمران خان نے صدر کے لیے بہترین انتخاب کیا ہے، قاسم سوری
The news is by your side.

Advertisement

عمران خان نے صدر کے لیے بہترین انتخاب کیا ہے، قاسم سوری

کراچی:ڈپٹی اسپیکرقومی اسمبلی قاسم سوری کا کہنا ہے کہ عمران خان نے صدر کے لیے بہترین انتخاب کیا ہے، اپنی ترجیحات کے تحت حکومت چلائیں گے، پوری کوشش کررہے ہیں کہ سب کو ساتھ لے کر چلیں۔

تفصیلات کے مطابق کراچی میں ڈپٹی اسپیکر قومی اسمبلی قاسم سوری نے میڈیا سے بات چیت کرتے ہوئے کہا ہر چیزوقت کے ساتھ بہتر ہو جائے گی ، ہمارے ایجنڈے میں کراچی کی بحالی شامل ہے۔

قاسم سوری کا کہنا تھا کہ عمران خان نے ہمیں سادگی اپنانے کاکہا ہے، صوابدیدی فنڈ منتخب لوگوں کو بادشاہی قائم کرنے کے لیے ملتے ہیں، اپنی ترجیحات کے تحت حکومت چلائیں گے ،اپوزیشن کے نہیں۔

صدارتی انتخاب کے حوالے سے ڈپٹی اسپیکر قومی اسمبلی نے کہا عمران خان کی جانب سے صدارتی امیدوار کے لئے عارف علوی بہترین انتخاب ہیں، پوری کوشش کررہے ہیں کہ سب کو ساتھ لے کر چلیں۔

ان کا مزید کہنا تھا کہ خان صاحب کی احتساب کےمعاملے پر پالیسی واضع ہے۔

مزید پڑھیں : تبدیلی یہ ہے کہ مجھ جیسا عام ورکر ڈپٹی اسپیکر بنا، قاسم سوری

یاد رہے قومی اسمبلی کے ڈپٹی اسپیکر قاسم سوری کا کہنا تھا کہ وزیرِ اعظم عمران خان نے تبدیلی کا آغاز مجھ جیسے عام ورکر سے کیا اور مجھے ڈپٹی اسپیکر بنایا، وزیرِ اعظم نے تقریر میں کہا سادگی سے حکومت چلائیں گے، پہلا وزیرِ اعظم ہوگا جو 3 کمروں کے گھر میں رہے گا۔

قومی اسمبلی کے ڈپٹی اسپیکر کا کہنا تھا کہ ایوان میں ماضی کے برعکس عوام کی سہولت کے لیے قانون سازی کی جائے گی۔

Comments

comments

یہ بھی پڑھیں