site
stats
انٹرٹینمںٹ

بچوں اور بڑوں میں یکساں مقبول منینز کی واپسی

بچوں اور بڑوں میں یکساں مقبول اینی میٹڈ سیزیر منینز ایک بار پھر واپس آرہی ہے۔ فلم کے چوتھے حصہ کا ٹریلر جاری کردیا گیا ہے۔

ایک دوسرے کا مذاق اڑاتے اور ہر کام کو الٹا کرنے کے ماہر ننھے زرد منینز ایک بار پھر بڑی اسکرین پر تہلکہ مچانے آرہے ہیں۔ فلم میں ایک بار پھر ان کا اور ان کے آقا گرو کا سامنا ایک نہایت ذہین اور چالاک نوسر باز سے ہے۔

منینز کا پہلا حصہ ڈسپیک ایبل می سنہ 2010 جبکہ دوسرا حصہ 2103 میں پیش کیا گیا تھا۔ فلم کا تیسرا حصہ منینز کے نام سے 2015 میں پیش کیا گیا جو دراصل ڈسپیک ایبل می کا پریکوئل تھا۔ اس میں یہ زرد کردار اپنے مالک کی تلاش میں سرگرداں نظر آئے۔

حال ہی میں جاری کیے جانے والے ٹریلر سے معلوم ہوتا ہے کہ اپنے زمانے کا مشہور چور گرو جرائم سے تائب ہو کر اپنی اہلیہ لوسی کے ساتھ جرائم کے خاتمے کے لیے کوشاں ہے۔

minions-3

ان کا سامنا ایک انوکھے چور سے ہے جو عالمی شہرت یافتہ آنجہانی گلوکار مائیکل جیکسن کا بے حد مداح ہے اور اس کی طرح رقص کرتے ہوئے اپنا کام دکھا جاتا ہے۔

minions-5

minions-4

ہر فلم کی طرح اس فلم میں بھی چور ایک انوکھی شے کی مدد سے سب کو قابو کرلیتا ہے جو کچھ اور نہیں بلکہ ببل گم ہے۔

minions-2

اس ببل گم سے غبارے پھلا کر وہ ایک بحری جہاز سے قیمتی ہیرا چراتا ہے جس کے بعد ان غباروں کی وجہ سے جہاز فضا میں محو پرواز ہوجاتا ہے۔

minions-1

فلم ڈسپیک ایبل می 3 اگلے سال 30 جون کو ریلیز کردی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top