The news is by your side.

Advertisement

وزارت قومی صحت نےالیکشن کمیشن کےاحکامات ہوامیں اڑا دیے، نئی بھرتیوں کا اشتہار جاری

اسلام آباد:الیکشن کمیشن کی جانب سے سرکاری اداروں میں ملازمتوں پر پابندی کے باوجود وزارت قومی صحت نے نئی بھرتیوں کا اشتہار جاری کر دیا، اشتہار 17خالی آسامیوں پُر کرنے کیلئے مشتہر کیا گیا ہے۔

تفصیلات کے مطابق وزارت قومی صحت نے الیکشن کمیشن کے سرکاری اداروں میں ملازمتوں پر پابندی کے احکامات ہوامیں اڑا دیے اور نئی بھرتیوں کا اشتہار جاری کر دیا۔

وزارت قومی صحت نے اشتہار مختلف قومی اخبارات میں جاری کیا ہے، اشتہار 17خالی آسامیوں پر کرنے کیلئے مشتہر کیا گیا ہے، بھرتیاں وزارت قومی صحت کے ذیلی پروگراموں میں 17آسامیاں پر کی جانی ہیں۔

خالی آسامیوں پر امیدواران سے درخواستیں 23اپریل تک طلب کی گئی ہیں۔


مزید پڑھیں : انتخابات میں پری پول ریگنگ روکنے کے لیے الیکشن کمیشن نے سرکاری ملازمتوں‌ پر پابندی عائد کردی


یاد رہے کہ گزشتہ ہفتے الیکشن کمیشن نے عام انتخابات میں پری پول ریگنگ روکنے کے لیے سرکاری ملازمتوں پر پابندی عائد کردی تھی، پابندی کااطلاق یکم اپریل سے ہونا تھا۔

اعلامیے میں کہا گیا تھا کہ پابندی کا اطلاق وفاقی، صوبائی اور مقامی حکومتوں کے اداروں میں بھرتیوں پر ہوگا، صوبائی پبلک سروس کمیشن کے تحت ہونے والی بھرتیوں پرنہیں ہوگا۔

الیکشن کمیشن نے یکم اپریل کے بعد سے منظور ہونے والی ترقیاتی اسکیوں پر عملدرآمد بھی روکنے کا حکم دیا تھا۔

جس کے بعد حکومت پنجاب نے سرکاری ملازمتوں پر پابندی سے متعلق الیکشن کمیشن کے نوٹیفکیشن کے خلاف لاہور ہائی کورٹ سے رجوع کر لیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں