The news is by your side.

Advertisement

وطن واپسی سے قبل سیمی کا پاکستانیوں نام پیغام

پشاور زلمی کے ہیڈکوچ ڈیرن سیمی نے کہا ہے کہ کورونا وائرس کے باوجود پاکستان میں پی ایس ایل کا انعقاد کامیاب رہا۔

پاکستان سے بھرپور محبتیں سمیت کر وطن لوٹنے سے قبل سماجی رابطے کی ویب سائٹ ٹوئٹر پر ڈیرن سیمی نے پاکستانیوں کے نام اپنا خصوصی پیغام لکھا۔

انہوں نے کہا کہ کورونا وائرس کے باوجود پاکستان میں پی ایس ایل کا ہونا بڑی کامیابی ہے، زلمی فیملی کا شکریہ جس نے ایک بار پھر ساتھ دیا۔

https://twitter.com/darensammy88/status/1240188798765580288?s=20

ڈیرن سیمی نے پاکستانیوں سے درخواست کی کہ وہ کورونا وائرس سے محفوظ رہنے کے لیے اپنا خیال رکھیں، وائرس سے اپنی حفاظت کریں اور آپ سے پھر ملاقات ہوگی۔

فائنل اور سیمی فائنل ملتوی ہونے کے بعد پی ایس ایل میں شریک غیر ملکی کھلاڑیوں کا وطن واپسی کا سلسلہ برقرار ہے، کراچی کنگز اور لاہور قلندرز کے کھلاڑیوں کے بعد پشاور زلمی اور ملتان سلطان کے پلیئرز بھی وطن واپس جارہے ہیں۔

واضح رہے کہ پاکستان کرکٹ بورڈ نے کورونا وائرس کے پھیلاؤ کو مدنظر رکھتے ہوئے پی ایس ایل فائیو کے سیمی فائنلز اور فائنل ملتوی کردیے ہیں، ایونٹ کے فیصلہ کن میچز کے شیڈول کا اعلان بعد میں کیا جائے گا۔

fb-share-icon0
Tweet 20

Comments

comments

یہ بھی پڑھیں