The news is by your side.

Advertisement

مخصوص نشستوں پر تفصیلی فیصلہ جاری

لاہور ہاٸی کورٹ نے پنجاب اسمبلی کی پانچ مخصوص نشستوں سے متعلق تفصیلی فیصلہ جاری کر دیا۔ تحریک انصاف کی درخواست منظور مسلم لیگ ن کی مسترد کر دی گٸی۔

جسٹس شاہد وحید نے 13 صفحات پر مشتمل تحریری فیصلہ جاری کیا ۔ عدالت نے الیکشن کمیشن کا 2 جون کا فیصلہ کالعدم قرار دے دیا۔

عدالت نے کہا کہ الیکشن کمیشن کے دو جون کا آٸین اور قانون کے مطابق نہیں لہذا اس کی کوٸی حیثیت نہیں۔ فیصلے میں عدالت نے حکم دیا کہ الیکشن کمیشن تحریک انصاف کی ترجیحی لسٹ کے مطابق نوٹیفیکیشن جاری کرے۔

آٸین میں کسی ممبر کی ڈس کوالیفیکیشن کے بعد مخصوص نشست کا طریقہ کار موجود ہے۔

عدالت نے ایڈیشنل رجسٹرار کو حکم دیا کہ فیصلہ الیکشن کمیشن کو فوری بھجوایا جاٸے تاکہ اس پر جلد عمل ہو۔ عدالت نے مخصوص نشستوں کے متعلق تحریک انصاف کی درخواست منظور اور مسلم لیگ ن کی مسترد کر دی۔

درخواست گزاروں زینب عمیر اوت سیموٸیل یعقوب کی جانب سے علی ظفر اور اظہر صدیق پیش ہوٸے اور عدالت سے استدعا کی کہ مخصوص نشستوں پر نوٹیفیکیشن جاری کرنے کا حکم دیا جائے۔

Comments

یہ بھی پڑھیں