کراچی ڈویژن کے 7 اضلاع کے 25 ٹاونز کی 246 یوسیز میں 15 جنوری کو ووٹنگ ہوگی۔ 246 یوسیز میں 984 وارڈز ہیں۔
ضلع وسطی کے 5 ٹاونز میں یوسیز کی تعداد 45 ہے جس میں رجسٹرڈ ووٹرز کی کل تعداد 20 لاکھ 76 ہزار 73 ہے۔ ضلع کے 1263 پولنگ اسٹیشنز میں سے 360 انتہائی حساس جبکہ 903حساس قرار دیے گئے ہیں۔
ضلع شرقی کے 5 ٹاونز میں 43 یونین کمیٹیز ہیں جس میں رجسٹرڈ ووٹرز کی تعداد 14 لاکھ 54 ہزار 59 ہے۔ ضلع میں 799 پولنگ اسٹیشن میں 200 انتہائی حساس جبکہ 599حساس قرار دیے گئے ہیں۔ کورنگی کے 4 ٹاونز کی 37 یوسیز میں رجسٹرڈ ووٹرز کی تعداد 1415091 ہے۔ کورنگی کے 765 پولنگ اسٹیشنز میں سے 318 انتہائی حساس جبکہ 447 حساس قرار دیئے گئے ہیں۔
ضلع غربی میں تین ٹاونز کی 33 یوسیز میں رجسٹرڈ ووٹرز کی تعداد 909187 ہے جس کے 639 پولنگ اسٹیشنز میں سے 111 انتہائی حساس جبکہ 528 حساس قرار دیئے گئے ہیں۔
ضلع کیماڑی کے تین ٹاونز کی 32 یوسیز میں رجسٹرڈ ووٹرز کی تعداد 8 لاکھ 44 ہزار 851 ہے۔ ضلع کیماڑی میں 547 پولنگ اسٹیشنز میں سے 164 انتہائی حساس جبکہ383حساس قرار دیئے گئے ہیں۔
ضلع ملیر کے تین ٹاونز کی 30 یوسیز میں رجسٹرڈ ووٹرز کی تعداد 7 لاکھ 43 ہزار 205 ہے۔ ضلع میں 497پولنگ اسٹیشنز میں 119انتہائی حساس جبکہ 378 حساس قرار دیئے گئے ہیں۔
ضلع جنوبی کے دو ٹاونز کی 26 یوسیز میں رجسٹرڈ ووٹرز کی تعداد 9 لاکھ 95 ہزار54 ہے جس میں 480 پولنگ اسٹیشنز میں 224 انتہائی حساس جبکہ 256حساس ہیں۔
کراچی ڈویژن میں چیئرمین، وائس چیئرمین اور جنرل ممبر کی نشست کے لیے 9 ہزار اٹھاون امیدوار میدان میں ہوں گے۔ چیئرمین اور وائس چیئرمین کے پینل اور جنرل ممبر کی نشست پر مختلف یونین کمیٹیز سے 7 امیدوار بلا مقابلہ منتخب ہوچکے ہیں۔
کراچی ڈویژن کی جنرل ممبرز اور چیئرمین اور وائس چیئرمین کی 22 نشستوں پر امیدواروں کے انتقال کے باعث انتخابات 15 جنوری کو نہیں ہونگے۔ انتقال کرنے والے امیدواروں میں مختلف یونین کمیٹیز کی 9 چیئرمین اور وائس چیئرمین جبکہ 13 جنرل ممبر کی نشستوں کے امیدوار شامل ہیں۔
