دبئی: آسٹریلیا کے خلاف ٹی 20 ورلڈ کپ کے فائنل سے قبل نیوزی لینڈ کرکٹ ٹیم کو دھچکا لگ گیا۔
تفصیلات کے مطابق نیوزی لینڈ کے بیٹر ڈیون کونوے دائیں ہاتھ میں فریکچر کے باعث ٹی 20 ورلڈ کپ کے فائنل اور بھارت کے خلاف ٹی 20 سیریز سے باہر ہوگئے۔
کونوے کو انجری اس وقت ہوئی تھی جب انہوں نے ابوظبی میں انگلینڈ کے خلاف سیمی فائنل میں آؤٹ ہونے کے بعد اپنے بلے پر مکا مارا تھا۔
رپورٹ کے مطابق ڈیون کونوے کے دائیں ہاتھ کی پانچویں میٹا کارپل میں فریکچر کی تصدیق ہوئی ہے۔
کیوی کوچ گیری اسٹیڈ نے کہا کہ کونوے کے لیے یہ خبر بڑا دھچکا تھی اور وہ ایسے وقت میں اس طرح ٹیم سے باہر ہونے پر شدید مایوس ہیں۔
Devon Conway has been ruled out of the @T20WorldCup Final and following tour to India with a broken right hand. Conway sustained the injury when he struck his bat immediately after being dismissed in last night’s semi-final. More Info | https://t.co/LCMOTJqmqc #T20WorldCup pic.twitter.com/JIm9o6Rhxe
— BLACKCAPS (@BLACKCAPS) November 11, 2021
انہوں نے کہا کہ کونوے بلیک کیپس کی نمائندگی پر بہت پرجوش تھے اور اس وقت ان سے زیادہ مایوس کوئی نہیں ہے۔
کیوی کوچ کا مزید کہنا تھا کہ یہ میدان پر ایک بہت ہی معصوم سا ردعمل تھا، یقیناً انجری میں بدقسمتی کا عنصر موجود ہے، اس انجری کی وجہ سے ڈیون کونوے ورلڈکپ کے بعد بھارت کے خلاف ٹی 20 سیریز سے بھی باہر ہو گئے ہیں۔
واضح رہے کہ نیوزی لینڈ اور آسٹریلیا کے درمیان ٹی ٹوئنٹی ورلڈ کپ کا فائنل اتوار کو دبئی انٹرنیشنل اسٹیڈیم میں کھیلا جائے گا۔
