site
stats
سندھ

قائد اعظم کے اصولوں پر چل کرہی ملک کو ترقی دی جاسکتی ہے، مراد علی شاہ

کراچی: وزیراعلیٰ سندھ سید مراد علی شاہ نے کہا ہے کہ بانی پاکستان قائد اعظم محمد علی جناح نے برصغیر کے مسلمانوں کے لیے علیحدہ مسلم ریاست حاصل کے لیے تحریک چلائی اور اپنی انتھک محنت سے پاکستان حاصل کیا، قائد اعظم کے زرین اصولوں پر چل کر ہی ملک کو ترقی دی جاسکتی ہے۔

بانی پاکستان قائد اعظم محمد علی جناح کے یوم پیدائش پر وزیراعلیٰ سندھ سید مراد علی شاہ نے اپنے ایک پیغام میں کہا ہے کہ ’’بانی پاکستان محمد علی جناح نے برصغیر کے مسلمانوں کیلئے ایک علیحدہ آزاد مسلم ریاست حاصل کرنے کیلئے تحریک آزادی کا آغاز کیا اوراپنی انتھک محنت،ولولہ انگیز اور کرشمہ ساز قیادت کی بدولت کامیابی حاصل کی‘‘۔

انہوں نے کہا کہ ’’پاکستان اپنے قیام کے بعد دنیا کے نقشے پر مسلمانوں کیلئے ایک آزاد مملکت طور پر ابھر کر سامنے آیا، پاکستان کے حصول کے لیے لاکھوں مسلمانوں نے قربانیاں دیں‘‘۔

مراد علی شاہ نے کہا کہ ’’مستحکم پاکستان کے لیے قائد اعظم محمد علی جناح نے ایسے اصول بتائے جن پر عمل کرتے ہوئے ملک کو ترقی کی عظیم منازل تک پہنچایا جاسکتا ہے، پیپلزپارٹی قائد اعظم، قائد جمہوریت ذوالفقار علی بھٹو اور محترمہ بے نظیر بھٹو کے افکاروں پر چل کر ملک کو ترقی کی راہ پر گامزن کرنے کی کوشش میں ہے‘‘۔

وزیراعلیٰ سندھ نے مزید کہا کہ ’’پیپلزپارٹی نے کبھی قربانی دینے سے گریز نہیں کیا، ہم مضبوط پاکستان کے لیے پارٹی قائدین آصف علی زرداری اور چیئرمین بلاول بھٹو زرداری کی ہدایات کے مطابق عوامی فلاح و بہبود کے منصوبوں پر عمل پیرا ہیں‘‘۔

انہوں نے مزید کہا کہ ہمیں چاہیے کہ ہم سب ملکر قائد اعظم محمد علی جناح کے زرین اصولوں اتحاد، تنظیم، یقین محکم پر کاربند رہ کر پاکستان کو ترقی کی راہ پر گامزن ہونے والے سفر کو مزید مؤثر بنائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top