The news is by your side.

Advertisement

تحریک عدم اعتماد : پی ٹی آئی کے منحرف ایم پی اے کا بڑا انکشاف

کراچی : پی ٹی آئی کے منحرف ایم پی اے اسلم ابڑو کا کہنا ہے کہ پی ٹی آئی کے کئی ایم این ایز تحریک عدم اعتماد کی حمایت میں ووٹ دیں گے۔

تفصیلات کے مطابق پی ٹی آئی کے منحرف ایم پی اے اسلم ابڑو نے گفتگو کرتے ہوئے کہا ہے کہ وفاقی حکومت عزت بچاتی پھررہی ہے بہت مہنگائی کردی ہے ، ہم عوام کو شکل دکھانے کے قابل نہیں ہیں۔

اسلم ابڑو کا کہنا تھا کہ پی پی سند ھ میں کام کررہی ہے،اپنا ووٹ پیپلزپارٹی کودیاہے، میں نے بہت کہا سندھ پرتوجہ دو لیکن وزیراعظم نے آنے میں تاخیرکی اور پنجاب اور کے پی پر توجہ دی۔

منحرف ایم پی اے نے کہا کہ پی ٹی آئی کے کئی ارکان اسمبلی پیپلزپارٹی سےرابطے میں ہیں، بائیکاٹ نہ کرتے تو پی ٹی آئی کے کئی ووٹ پیپلزپارٹی کو پڑتے، پی ٹی آئٰی کے بائیکاٹ اور ڈر سے کئی ارکان ووٹ دینے نہیں آئے۔

تحریک عدم اعتماد کے حوالے سے انھوں نے انکشاف کیا کہ پی ٹی آئی کے کئی ایم این ایز تحریک عدم اعتماد کی حمایت میں ووٹ دیں گے، پی ٹی آئی ارکان اسمبلی اپنے قائد سےخوش نہیں۔

Comments

یہ بھی پڑھیں