کیمبرج: امریکی اور میسا جیوسیٹس (نیو انگلینڈ) کے ماہرین نے ایسا آلہ تیار کیا ہے جو دماغ میں پیدا ہونے والے الفاظ کو ہدایت کی صورت میں پیش کرتا ہے۔
تفصیلات کے مطابق چیوسیٹس انسٹی ٹیوٹ آف ٹیکنالوجی (ایم آئی ٹی) کے ماہرین نے ایسا سر پر پہننے والا آلہ تیار کیا جسے پہن کر آپ کو بولنے کی ضرورت نہیں پڑے گی بلکہ یہ دماغ میں اٹھنے والے الفاظوں کو ہدایت کی صورت میں خود پیش کرے گا۔
ایم آئی ٹی کی جانب سے گذشتہ ہفتے اعلان کیا گیا تھا کہ انہوں نے ‘آلٹر ایگو‘ نامی ایک آلہ تیار کیا جو کان اور جبڑے سے جڑا رہتا ہے اور یہ بغیر بولے دماغ میں اٹھنے والی آواز کو ہدایت کی صورت میں ایسے سامنے لاتا ہے کہ اسے دوسرا شخص آسانی سے سمجھ سکتا ہے۔
ایم آئی ٹی لیب سے گریجوٹ اور آلٹر ایگو تیار کرنے والے ارناو کپور کا کہنا ہے کہ ’کیا ہم ایسا پلیٹ فارم اور مشین تیار کرسکتے ہیں جو انسان کے اندر پیدا ہونے والی آوازوں کو سنجیدگی سے پیش کرے؟’۔
اُن کا کہنا تھا کہ یہ آلہ ہڈی سے جڑا ہیڈ فون ہے جو کانوں اور جبڑے سے لگتا ہے، ہیڈ فون صارف کی معلومات کو بغیر بولے منتقل کرتا ہے اور پھر یہ آواز کی صورت میں سامنے آتی ہے۔
ارناو کپور کا کہنا ہے کہ ہم نے اس آلے کا کامیاب تجربہ کیا تاہم اب اس کو مزید کامیاب بنانے کے لیے شطرنج مقابلے کے وقت آزمایا جائے گا تاکہ معلوم ہوسکے اس آلے میں کتنی صلاحیت ہے۔
سائنسی ماہرین کا کہنا ہے کہ اس آلے کی ایجاد گونگے بہر ے افراد کے لیے ایک بڑا کارنامہ ثابت ہوسکتی ہے اسی طرح جہاز اڑانے یا اس کی تربیت لینے والے افراد کے لیے بھی آلٹر ایگو بہت مدد گار ثابت ہوگا۔
