پارکو پمپنگ اسٹیشن بچانے کے لیے ایمرجنسی آپریشن

جامشورو: پاک آرمی نے بھان سعید آباد میں پارکو پمپنگ اسٹیشن بچانے کے لیے ایمرجنسی آپریشن شروع کردیا، تاحال آرمی نے 4 ڈی واٹرنگ سیٹس کے ذریعے 1 لاکھ 90 ہزار 614 گیلنز پانی نکالا ہے۔

تفصیلات کے مطابق پاک آرمی نے بھان سعید آباد میں پارکو پمپنگ اسٹیشن کو بچانے کے لیے ایمرجنسی آپریشن شروع کردیا، 20 ستمبر کو اطلاع ملتے ہی پاکستان آرمی 10 کلو میٹر جنوب میں پارکو پمپنگ اسٹیشن پہنچی تھی۔

پارکو پمپنگ اسٹیشن پورے علاقے میں سپلائی چین کو برقرار رکھتا ہے۔

پاکستان آرمی نے 4 ڈی واٹرنگ سیٹس کے ذریعے 1 لاکھ 90 ہزار 614 گیلنز پانی نکالا، پاک فوج کا خصوصی ڈی واٹرنگ آپریشن کل بھی جاری رہے گا۔

Comments