اے ایس ایف سٹی کو جلد الاٹیز کیلئے رہائش کے قابل بنا دیں گے، میجر جنرل علی عباس حیدر -
The news is by your side.

Advertisement

اے ایس ایف سٹی کو جلد الاٹیز کیلئے رہائش کے قابل بنا دیں گے، میجر جنرل علی عباس حیدر

کراچی : ڈائریکٹر جنرل اے ایس ایف میجر جنرل علی عباس حیدر نے کہا ہے کہ اے ایس ایف سٹی کو ایک سال میں الاٹیز کے لئے رہائش کے قابل بنا دیں گے جبکہ موجودہ اراضی پرجلد ہی فیز ٹو کا اعلان بھی کریں گے۔

ان خیالات کا اظہار انہوں نے ڈی جی اے ایس ایف کے ہاؤسنگ فاؤنڈیشن کے پلاٹس اور بنگلوز کی قرعہ اندازی کی تقریب سے بطورمہمان خصو صی خطاب کرتے ہوئے کیا۔

اس موقع پر میڈیا سے بات چیت کرتے ہوئے  میجر جنرل علی عباس حیدر نے کہا کہ لاہور کے بعد کراچی اور دیگر ایئرپورٹس پر جدید ترین سیکیورٹی سسٹم کی تنصیب کے لئے کارروائی کا آغاز کر دیا گیا ہے۔

سسٹم کی تنصیب کے لئے سول ایوی ایشن اتھارٹی کنٹریکٹ جاری کر رہی ہے، اس کے علاوہ محفوظ ہوائی سفر کے لئے ایئر پورٹس کی سیکیورٹی پر مبنی جدید ہتھیاروں کا حصول بھی جاری ہے۔

ڈائریکٹر جنرل کا مزید کہنا تھا کہ اے ایس ایف ہاؤسنگ فاؤنڈیشن کے اس منصوبے میں عام رہائشی اسکیموں کی نسبت دو تہائی سے زائد اراضی کو اوپن رکھا گیا ہے، قرعہ اندازی میں کامیاب لوگوں کو ایک ہی چھت کے نیچے صحت، تعلیم اور روزگار کی سہولتیں ملیں گی جبکہ ایک برس میں سڑکیں بجلی سمیت نکاسی و فراہمی آب کا انتظام مکمل کر لیا جائے گا۔

ڈی جی اے ایس ایف نے اس موقع پر پراجیکٹ میں بکنگ کرانے والوں کے لئے پلاٹس کی قرعہ اندازی کے بعد اے ایس ایف شہداء کے ورثا میں پلاٹس کی فائلیں بھی تقسیم کیں۔ بعد ازاں تقریب کے شرکاء کو اے ایس ایف ہاؤسنگ فاؤنڈیشن کے پراجیکٹ ڈائریکٹر نے منصوبے کے بارے میں بریفنگ بھی دی ۔

Comments

comments

یہ بھی پڑھیں