The news is by your side.

Advertisement

سول ایوی ایشن اتھارٹی میں ڈائریکٹر جنرل کی تعیناتی تاحال نہ ہوسکی

کراچی : سول ایوی ایشن اتھارٹی میں ڈی جی کو تعینات نہیں کیا جاسکا، ادارہ کے اکثر عہدوں پر بھی عارضی اور قائم مقام افسران فرائض انجام دے رہے ہیں۔

تفصیلات کے مطابق سول ایوی ایشن اتھارٹی تاحال انتظامی سربراہ سے محروم ہے، سی اے اے میں بعض اعلیٰ عہدوں پر بھی عارضی طور پر افسران کو تعینات کیا گیا ہے۔

اس حوالے سے ذرائع کا کہنا ہے کہ ڈائریکٹر جنرل سول ایوی ایشن اتھارٹی ایئرپورٹ کے انتظامی معاملات چلانے والا کوئی نہیں، اہم پوسٹ ڈائریکٹر آپریشن سی اے اے پر بھی قائم مقام آفیسر تعینات ہیں، اب تک مستقل ڈی جی سی اے اے تعینات نہ کیا جاسکا۔

ذرائع کے مطابق ڈی جی سی اے اے کے پاس ایئرپورٹ تمام ایئرپورٹ کے آپریشن کنٹرول کرنے کی زمہ داریو ں میں شامل ہے، ایئرپورٹ پر ریڈار اور اہم تنصیبات کی نصب کرنے والے ڈائریکٹر کمو نیکیشن نیوی گیشن سر ویلنس کا عہدہ بھی کئی ماہ سے خالی ہے۔

ذرائع کا مزید کہنا ہے کہ ڈائریکٹر انجنیئرنگ اور ڈائریکٹر ہیومن ریسورسز کے عہدے پر بھی قائم مقام آفیسرز تعینات کرکے معاملات کو ایڈہاک پر چلائے جانے لگا ہے، ڈائریکٹر سیکیورٹی جیسا اہم عہدہ بھی کنٹریکٹ بیس پر چلایا جارہا ہے۔

ڈائریکٹر اور کوآرڈی نیشن کی بھی اسامیاں بھی تاحال پر نہ کی جاسکی، کراچی، لاہور اور اسلام آباد کے ایئرپورٹ منیجرز بھی قائم مقام ہے۔

Comments

یہ بھی پڑھیں