The news is by your side.

نئے ڈی جی ایف آئی اے کا عہدہ سنبھالتے ہی بڑا اعلان

اسلام آباد : ڈی جی ایف آئی اے محمد طاہر رائے نے عہدہ سنبھالتے ہی اعلان کیا ہے کہ جعلی پوسٹ شیئرکرنیوالوں کے خلاف سخت ایکشن ہو گا اور بڑی مچھلیوں کے خلاف سخت قانونی کاروائی کی جائے گی۔

تفصیلات کے مطابق ڈی جی ایف آئی اے محمد طاہر رائے نے چارج سنبھال لیا ، ایف آئی اے کے سینئرافسران نے دفترآمد پر طاہررائے کا استقبال کیا،

اس موقع پرڈی جی ایف آئی اے نے کہا کہ پبلک سروس ڈیلیوری کو بہتر بنانا ہے، عوام کی خدمت ہی ایف ائی اے کا نصب العین ہوگا، عوام کوعزت دی جائےگی اور ان کا احترام کیا جائے گا۔

طاہر رائے کا کہنا تھا کہ سائبر کرائم کو کنٹرول کرنا پہلی ترجیح ہوگی، کسی کوشہریوں کاوقارمجرو ح کرنےکی اجازت نہیں ہوگی اور ایسے ملزمان کے خلاف سخت قانونی کاروائی کی جائے گی۔

انھوں نے مزید کہا کہ جعلی پوسٹ شیئرکرنیوالوں کے خلاف سخت ایکشن ہو گا اور انسانی سمگلنگ کو سختی سے کچلا جائے گا۔

نئے ڈی جی ایف آئی اے کا کہنا تھا کہ بڑی مچھلیوں کے خلاف سخت قانونی کاروائی کی جائے گی۔

Comments

یہ بھی پڑھیں