The news is by your side.

Advertisement

وزیراعظم سے ڈی جی آئی ایس آئی کی ملاقات

اسلام آباد: وزیراعظم عمران خان سے ڈی جی آئی ایس آئی لیفٹیننٹ جنرل فیض حمید نے ملاقات کی۔

اے آر وائی نیوز کی رپورٹ کے مطابق وزیراعظم عمران خان سے ڈی جی آئی ایس آئی لیفٹیننٹ جنرل فیض حمید نے وزیراعظم آفس میں ملاقات کی جس میں قومی سلامتی سے متعلق اہم امور پر تبادلہ خیال کیا گیا۔

ذرائع کے مطابق ڈی جی آئی ایس آئی کی وزیراعظم سے 13 اپریل کے بعد یہ دوسری ملاقات ہے جس میں قومی سلامتی سے متعلق امور پر گفتگو کی گئی۔

لیفٹیننٹ جنرل فیض حمید نے اس سے قبل آرمی چیف جنرل قمر جاوید باجوہ کے ہمراہ وزیراعظم سے ملاقات کی تھی جس میں کرونا وائرس، قومی سلامتی اور داخلی صورتحال پر تبادلہ خیال کیا گیا تھا۔

ادھر بریگیڈیئر محمد احمد نے وزیراعطم کے نئے ملٹری سیکریٹری کے عہدے کی ذمہ داری سنبھالی، اس سے پہلے سبکدوش ہونے والے ملٹری سیکریٹری بریگیڈیئر وسیم افتخار چیمہ نے وزیراعظم سے الوداعی ملاقات کی جس مین وزیراعظم نے ملٹری سیکریٹری کی خدمات کو سراہا اور زندگی میں ان کی کامیابی کے لیے نیک خواہشات کا اظہار کیا۔

خیال رہے کہ وزیراعظم عمران خان سے آرمی چیف جنرل قمر جاوید باجوہ کی ملاقات ہوئی جس میں ڈی جی آئی ایس آئی لیفٹیننٹ جرنل فیض حمید بھی موجود تھے۔

Comments

یہ بھی پڑھیں